Keda na altura di e último notisianan

Empresarionan ku ke entregá e petishon pa eksonerashon di impuesto riba suèldo i gastunan sosial riba suèldo di overtaim, por hasi esaki pa mas tardá 2 di febrüari 2026. Tuma nota: pa bini na remarke pa e eksonerashon, e verzamellooonstaat 2025 mester ta entregá. Lesa mas tokante e verzamelloonstaat aki. E dunadónan di trabou ku no a apliká di Lei di Bion na 2025, mester entregá e verzamelloonstaat 2025 pa mas tardá riba 2 di febrüari 2025 segun e formato bieu. Pa dunadónan di trabou ku si a hasi uso di Lei di Bion na 2025, ainda no ta posibel pa entregá e verzamelloonstaat 2025, mirando tin retraso den e adaptashonnan. E dunadónan di trabou outomátikamente ta risibí prolongashon pa entregá e verzamelloonstaat 2026 pa mas tardá 1 di aprel 2026. Pa e dunadónan di trabou aki ta sufisiente pa yena e fail di Excel pa registrashon di overtaim. Den e fail aki por indiká e suèldo di overtaim ku a keda eksonerá. Asina e verzamelloonstaat keda adaptá, e dunadónan di trabou ta risibí informashon tokante esaki.

• Link na formulario di eksonerashon
• Link na fail di registrashon di overtaim i instrukshon pa registrashon di overtaim

Pa nos por prosesá bo petishon di un forma efisiente ta nesesario ku tur informashon keda entregá kompleto i korekto.

Ontvanger di Kòrsou ta duna di konosé ku entrante 12 di yanüari 2026 ta kuminsá ku kobransa di impuesto riba vehíkulo motorisá i finalisashon di vehíkulo pa aña 2026. Pa por paga mester trese e siguiente dokumentonan: 

1. Karchi di kùr bálido;
2. Komprobante di seguro bálido;
3. Komprobante di pago di MRB 2025.

Ora paga e promé mitar di aña ta risibí e plachi di number 2026 Ora paga pa henter aña ta risibí e sticker blou I e plachi di number 2026. E plachinan di number 2026 lo keda otorgá dor di Ontvanger despues. Unda bo por paga impuesto riba vehíkulo motorisá?  Bo por paga e impuesto riba vehíkulo motorisá i e impuesto di finalisashon di vehíkulo na e siguiente lugánan:

1. Landsontvanger na Regentesselaan Djaluna pa djabièrnè for di 08:00or pa 12:00or i di14:00or te ku 15:30or
2. Kooperativa di Spar i di Krédito ACU, di djaluna pa djabièrnè for di 08:00 or pa15:30 or sin stòp na Jan Noorduynweg i Zuikertuin Mall.
3. CPost International na Punda i Groot Kwartier for di 7.30 or pa 17.00 or sin stòp  di djaluna te ku djaweps, djabièrnè di 7.30 or pa 16.30 or i djasabra di 8.00 or pa 11:30 or.

Por paga pa 2026 si bo a hasi bo pago di MRB te ku desèmber 2025. Tarief 2026 half en heel jaar

Servisio di Impuesto Kòrsou ta informá tur non-profit ku ta operá riba Kòrsou ku un petishon importante.  Na 2025 Financial Action Task Force (FATF), a evaluá kumplimentu di Kòrsou ku stándart internashonal pa labamentu di plaka i finansiamentu di terorismo. For di e evaluashon aki a bini dilanti algun punto di akshon ku Kòrsou mester atendé, pa evitá ku e Pais ta ser inkluí riba e lista gris di FATF. Un di e puntonan di akshon ta e nesesidat pa haña un mihó bista riba e sektor di non-profit na Kòrsou. Pa e motibu aki, a krea un kuestionario pa determiná kua organisashon ta kai bou di e definishon di FATF. Asina por kolektá informashon importante riba e struktura, aktividat, i situashon finansiero di kada organisashon. Kiko esaki ta nifiká pa e organisashon non-profit? Kada organisashon non-profit lo risibí un karta formál i kuestionario den su buson. Servisio di Impuesto di Kòrsou ta pidi pa tur ku a risibí esaki por fabor kompletá e kuestionario di forma korekto, más tardá djaluna 12 di yanüari 2026. Esaki ta di gran importansha pa yuda Kòrsou den su kumplimentu ku su obligashon internashonal i pa sigurá ku ta kumpli ku e standart di FATF. Link di e online di e kuestionario Pa fasilitá e proseso, Servisio di Impuesto di Kòrsou a kreá un plataforma online kaminda e kuestionario por wòrdu kompletá direktamente. Por yena e informashon rekerí na ingles òf hulandes pa medio di e siguiente link:

• Kuestionario na Ingles: https://tinyurl.com/BDCW-Vragen-FATF-EN

• Kuestionario na hulandes: https://tinyurl.com/BDCW-Vragen-FATF-NL

E sistema online lo hasi e proseso mas fásil i sigurá ku tur informashon ta bai di un manera seif i lihé. Deadline E kuestionario kompletu mester wòrdu entregá pa mas tardá 12 di yanüari 2026 via e plataforma online. Si un OSL no por kompleta e kuestionario elektróniko, lo por mail e dokumento kompletu na Servisio di Impuesto di Kòrsou via: info.belastingdienst@gobiernu.cw  Tur informashon lo wòrdu tratá ku konfidensial i lo wòrdu usá solamente pa e kumplimentu di standart internashonal. Boso koperashon ta esensial pa mantené e posishon di Kòrsou den e lucha global kontra labamentu di plaka i finansiamentu di terorismo. *Un non-profit ta un organisashon ku su meta no ta pa tin ganashi, pero ku ta enfoká riba e benefisio di komunidat. Esaki por inkluí fundashon, organisashon di benefisio soshal, i organisashon ku ta traha pa mehorá e bienestar di e pueblo.  Pa mas informashon si bo tin pregunta òf ke klarifikashon tokante e kuestionario òf e prosedura pa entregá, por tuma kontakto ku e servisio di impuesto di Kòrsou via e number di 'helpdesk' 461-5000.  

Entrante aña di impuesto 2025 ta bai hasi adaptashon na e verzamelloonstaat. Ta trata aki di algun intensifikashon den e definishon i/òf deskripshon di e vèltnan i ampliashon en relashon ku Lei di Bion i tambe pa por mehorá e proseso di yena deklarashonnan di impuesto riba entrada adelantá. E portal digital lo keda adaptá na kuminsamentu di 2026 pa asina esaki por sostené e verzamelloonstaat nobo tambe. Tambe lo adaptá e funshonalidat pa importá e CSV-bestand. Importante! Usa e spesifikashon korekto na momento ku bo bai importá e verzamelloonstaten den e portal digital! Por download e spesifikashonnan korekto aki:

• Añanan di impuesto te ku 2024 i 2025 sin adaptashon en konekshon ku Lei di Bion i deklarashonnan di impuesto riba entrada i primanan pre-yená (PDF).
• Añanan di impuesto desde 2025 ku adaptashon en konekshon ku Lei di Bion i pa e i  deklarashonnan di impuesto riba entrada i primanan pre-yená (PDF).

Pues por usa e spesifikashon di e CSV-fail anterior ainda pa importá e datonan di e verzamelloonstaat 2025 (sin datonan di Lei di Bion). Pa por importá e verzamelloonstaat ku ta inkluí datonan di Lei di Bion, bo mester usa e spesifikashon di importashon nobo na momento ku esaki bira disponibel den e portal digital. Bo lo wòrdu informá na momento ku e spesifikashon nobo aki ta disponibel den e portal digital.   Kambionan di verzamelloonstaat di aña di impuesto 2025 respekto añanan anterior. Informashon di dunadó di trabou:

• CRIBNR; Veld soort: Numeriek i.p.v. tekst;
• NAAM; Omschrijving: Formele naam i.p.v. Formele- of handelsnaam;

Informashon empleado:

• CRIBNR; Veld soort: Numeriek i.p.v. tekst.
• LOON; Omschrijving: Loon/Uitkering i.p.v. loon.
• DIENSTBETRK: Nieuw.
• WERVINGKN; Omschrijving: verwervingskosten i.p.v. wervingskosten.
• PREMIEZOG: Verwijderd.
• GEHUWDAFTR: Verwijderd en vervangen door: ALLEENVTOESL.
• PENSIOAFTR: Verwijderd en vervangen door: OUDERENTOESL.
• LOONONBELOW: Nieuw.
• AANTUUROW: Nieuw.
• LOONONBELJONG: Nieuw.

Klek aki pa mas informashon tokante e verzamelloonstaat, impuesto riba suèldo i primanan.    

Serviso di Impuesto ta informá tur empresario i persona hurídiko ku e fecha di entrega di e deklarashon definitivo di impuesto riba ganashi di 2024 a keda prolongá. E fecha di entrega nobo ta 15 di december 2025. Apesar di e prolongashon aki ta importante pa entregá e deklarashon mas pronto posibel pa asina tur tarea atministrativo por keda finalisá na tempu i tambe pa evitá ku ta bira muchu drùk na momento ku e deadline aserká. Entrega via e portal digital Deklarashonnan por keda entregá solamente online via e portal digital. Pèrkurá pa bo tin un kuenta di usuario aktivá i/òf un apoderashon online bálido, i ku bo papelnan ta na òrdu. Na momento ku no entregá e deklarashon na tempu, esaki por tin aanslag i but komo konsekuensia. Tene kuenta ku ta posibel ku e sistema por keda interumpí si tur hende yena nan deklarashon pareu. Bo mester di yudansa? Bo tin pregunta tokante entrega di bo deklarashon di impuesto riba ganashi òf bo a enkontrá problema tékniko riba e portal digital? Tuma kontakto ku nos Servisio na Kliente òf usa e formulario aki.

Esaki ta un rekordatorio pa tur empresario i persona hurídiko ku ainda mester entregá nan deklarashon definitivo di impuesto riba ganashi di 2024. Tene na kuenta ku e deklarashon mester keda entregá pa mas tardá riba promé di desèmber 2025. Entrega via e portal digital Deklarashonnan por keda entregá solamente online via e portal digital. Pèrkurá pa bo tin un kuenta di usuario aktivá i/òf un apoderashon online bálido, i ku bo papelnan ta na òrdu. Tene kuenta ku ta posibel ku e sistema por keda interumpí si tur hende yena nan deklarashon pareu na momento ku e deadline aserká. No warda te último ora pa bo hasi entregá bo deklarashon! Konsekuensianan di tardansa Servisio di impuesto ta konsehá e kontribuyente pa no posponé yenamentu di e deklarashon. Kumpli ku bo deber di paga impuesto na tempu. Na momento ku no entregá e deklarashon na tempu, esaki por tin aanslag i but komo konsekuensia. Bo mester di yudansa? Bo tin pregunta tokante entrega di bo deklarashon di impuesto riba ganashi òf bo a enkontrá problema tékniko riba e portal digital? Tuma kontakto ku nos Servisio na Kliente òf usa e formulario aki.

Riba djasabra 6 di sèptèmber 2025 Servisio di Impuesto ta organisá un Dia Habrí. Di 10or di mainta pa 1or di mèrdia tur hende ta bon bini na e edifisio nobo di Servisio di Impuesto pa asina por wak rònt, partisipá na diferente presentashon i seshon di informashon. Programashon ofisial Durante e Dia Habrí tin diferente presentashon tokante temanan di impuesto aktual i servisionan aktual:

• 10:00    Palabra di bon biní di Minister di Finansa, sr. Javier Silvania i sra. Jamila Isenia, Hefe di Inspekshon di Impuesto.
• 10:10    Presentashon di e Portal Digital
• 10:30    Presentashon Comptabiliteit
• 10:50    Presentashon Impuesto riba entrada
• 11:30     Presentashon Kobransa
• 12:00    Presentashon Deurwaarderij
• 12:15     Presentashon Impuesto riba vehíkulo motorisá
• 12:30    Presentashon Impuesto riba bien inmóbil

Servisio èkstra pa bishitante Espesialmente pa e okashon aki Servisio di Impuesto ta pone su ekspertonan disponibel pa yuda klientenan ku:

• Tuma lista di debe
• Petishon di number di CRIB
• Deblokiá bo kuenta(nan)
• Hasi pago na bali
• Drenta areglo

Invitashon E Dia Habrí ta brinda pueblo di Kòrsou e oportunidat pa sera konosí ku e edifisio nobo i e diferente servisionan di Servisio di Impuesto. E bishitante ta risibí informashon práktiko i  por hasi pregunta direktamente na nos ekspertonan. Sitio: Servisio di Impuesto Orario: 10:00 – 13:00 or Nos ta warda boso!

E dunadó di trabou por hasi uso di e bentahanan di Lei di Bion, ku desde 1 di yüli 2025 ta na vigor. E areglo aki ta ofresé eksonerashon di impuesto riba suèldo i primanan sosial riba overtaim, bou di sierto kondishon. E fecha final pa entregá e petishon pa bini na remarke pa eksonerashon riba  suèldo  di overtaim a keda prolongá pa 15 di sèptèmber 2025 (e fecha tabata 1 di sèptèmber 2025). E dunadó di trabou por yena i  entregá e petishon online via e formulario aki.

Werkgevers kunnen profiteren van de voordelen van de nieuwe Lei di Bion, die in werking is getreden met terugwerkende kracht tot 1 juli 2025. Deze wet biedt vrijstellingen van loonbelasting en sociale lasten onder bepaalde voorwaarden, met als doel jongeren aan het werk te helpen en overwerk eerlijker te belonen. Voorwaarden vrijstellingen Voorwaarden voor de jongere:

• Ingeschreven bij Kranshi
• Bruto jaarloon lager dan XCG 38.225
• Geldige arbeidsovereenkomst

Vereisten voor de werkgever:

• Voldoen aan alle fiscale verplichtingen
• Geen fiscale boetes of sancties in de afgelopen twee jaar
• Aantoonbare bijdrage aan de opleiding van de jongere
• Correct en volledig personeelsdossier: ID, CV, arbeidsovereenkomst, CRIB-nummer

Vrijstelling voor overwerk (voor alle werknemers) Voorwaarden:

• Maximaal 520 uur per jaar overwerk (circa 10 uur per week)
• Bruto jaarloon werknemer lager  dan XCG 85.753,20

Vereisten voor de werkgever:

• Volledige administratie van overuren aanleveren
• Ingediende verzamelloonstaten vanaf 2020
• Correct en actueel overwerkregister aanleveren

Aanvraagprocedure Aanvragen moeten binnen twee weken na indiensttreding of aanvang van het fiscale jaar digitaal worden ingediend. Blijft een reactie uit na twee weken, dan geldt de aanvraag als goedgekeurd, mits aan alle voorwaarden is voldaan. Klik hier voor het verzoek voor vrijstelling loonbelasting en sociale lasten voor werknemers tussen de 18 en 30 jaar. Raadpleeg deze handleiding voordat u het bovenstaande formulier invult: handleiding indienen medewerkersdocumenten in Nederlands of Papiamentu. Klik hier voor het verzoek voor vrijstelling Loonbelasting en Sociale lasten Overwerkloon. Download hier de checklists ter voorbereiding van uw aanvraag: Arbeidsparticipatie | NLD   Partisipashon | PAP   Belangrijk Bij fraude of onjuiste gegevens kunnen loonbelasting en premies alsnog worden nageheven. Meer weten? Neem contact op met onze klantenservice.