Keda na altura di e último notisianan

Primi aki pa mas informashon.

Landsontvanger di Kòrsou ta hasi públikamente konosí ku ta prohibí pa imitá òf falsifiká plachinan di number di 2026. Landsontvanger ta doño di tur derechi ku ta resultá for di derecho di outor en konekshon ku e diseño di e plachinan di number, i ta eksklusivamente outorisá pa eksplotá e diseño aki. Imitá, falsifiká, bende òf merkadiá kopia di e plachinan di number 2026, sin outorisashon di Landsontvanger, ta kastigabel i lo tin medidanan hurídiko komo konsekuensia. Solamente plachi di number ku a keda otorgá pa Landsontvanger por keda montá riba vehíkulonan. E plachinan di number nobo tin diferente karakterístika di seguridat ku ta kontribuí na mihó maneho i rekonosementu di vehíkulonan riba kaya. E medida aki a keda introdusí pa salvaguardá e integridat di e sistema di registrashon di plachi di number na Kòrsou i pa evitá mal uso di plachinan di number falsifiká.

Entrante yanüari 2026 a adaptá e frekuensia di deklarashon pa impuesto riba entrada (OB). Meta di e adaptashon aki ta pa baha e gastunan atministrativo pa e empresarionan i alabes redusí e kantidat di aanslag ku ta sali debí ku e empresario no ta paga e OB (na tempu). Servisio di Impuesto ta usa e siguiente klasifikashonnan:

• Pa entrada anual (belaste jaaromzet) di ménos ku XCG 30.000 bo ta keda klasifiká komo deklaradó annual;
• Pa entrada anual (belaste jaaromzet) entre XCG 30.000 i XCG 75.000 bo ta keda klasifiká komo deklaradó pa kuartal;
• Pa un entrada anual (belaste jaaromzet) di mas ku XCG 75000 bo ta keda klasifiká komo deklaradó mensual.

E frekuensia di deklarashon aki e keda prosesá den e portal digital. Ta posibel ku na momento ku bo drenta den e portal, bo no por entregá bo deklarashon pa yanüari 2026 pasó bo a keda apuntá komo deklaradó anual òf di kuartal. https://belastingdienst.cw/pap/dokumentonan/ Mester entregá e deklarashon mensual di 2026 pa mas tardá 15 di yanüari 2027. Deklarashonnan pa kuartal mester keda entregá pa mas tardá riba e di 15 dia di e luna ku ta sigui e kuartal. Klek aki pa e fechanan.

Riba retnan sosial tin notisia inkorekto ta sirkulá ku for di 12 di febrüari 2026 por bai ku papelnan di bo vehíkulo pa tuma plachi di number. Ontvanger Kòrsou ta distansiá su mes for di esaki i ta enfatisá ku tur notisia ofisial lo sali for di Serviso di Impuesto/Ontvanger. Lo anunsiá entrega di plachinan di number nobo via kanalnan ofisial asina esakinan ta disponibel.

Empresarionan ku ke entregá e petishon pa eksonerashon di impuesto riba suèldo i gastunan sosial riba suèldo di overtaim, por hasi esaki pa mas tardá 2 di febrüari 2026. Tuma nota: pa bini na remarke pa e eksonerashon, e verzamellooonstaat 2025 mester ta entregá. Lesa mas tokante e verzamelloonstaat aki. E dunadónan di trabou ku no a apliká di Lei di Bion na 2025, mester entregá e verzamelloonstaat 2025 pa mas tardá riba 2 di febrüari 2025 segun e formato bieu. Pa dunadónan di trabou ku si a hasi uso di Lei di Bion na 2025, ainda no ta posibel pa entregá e verzamelloonstaat 2025, mirando tin retraso den e adaptashonnan. E dunadónan di trabou outomátikamente ta risibí prolongashon pa entregá e verzamelloonstaat 2026 pa mas tardá 1 di aprel 2026. Pa e dunadónan di trabou aki ta sufisiente pa yena e fail di Excel pa registrashon di overtaim. Den e fail aki por indiká e suèldo di overtaim ku a keda eksonerá. Asina e verzamelloonstaat keda adaptá, e dunadónan di trabou ta risibí informashon tokante esaki.

• Link na formulario di eksonerashon
• Link na fail di registrashon di overtaim i instrukshon pa registrashon di overtaim

Pa nos por prosesá bo petishon di un forma efisiente ta nesesario ku tur informashon keda entregá kompleto i korekto.

Ontvanger di Kòrsou ta duna di konosé ku entrante 12 di yanüari 2026 ta kuminsá ku kobransa di impuesto riba vehíkulo motorisá i finalisashon di vehíkulo pa aña 2026. Pa por paga mester trese e siguiente dokumentonan: 

1. Karchi di kùr bálido;
2. Komprobante di seguro bálido;
3. Komprobante di pago di MRB 2025.

Ora paga e promé mitar di aña ta risibí e plachi di number 2026 Ora paga pa henter aña ta risibí e sticker blou I e plachi di number 2026. E plachinan di number 2026 lo keda otorgá dor di Ontvanger despues. Unda bo por paga impuesto riba vehíkulo motorisá?  Bo por paga e impuesto riba vehíkulo motorisá i e impuesto di finalisashon di vehíkulo na e siguiente lugánan:

1. Landsontvanger na Regentesselaan Djaluna pa djabièrnè for di 08:00or pa 12:00or i di14:00or te ku 15:30or
2. Kooperativa di Spar i di Krédito ACU, di djaluna pa djabièrnè for di 08:00 or pa15:30 or sin stòp na Jan Noorduynweg i Zuikertuin Mall.
3. CPost International na Punda i Groot Kwartier for di 7.30 or pa 17.00 or sin stòp  di djaluna te ku djaweps, djabièrnè di 7.30 or pa 16.30 or i djasabra di 8.00 or pa 11:30 or.

Por paga pa 2026 si bo a hasi bo pago di MRB te ku desèmber 2025. Tarief 2026 half en heel jaar

Servisio di Impuesto Kòrsou ta informá tur non-profit ku ta operá riba Kòrsou ku un petishon importante.  Na 2025 Financial Action Task Force (FATF), a evaluá kumplimentu di Kòrsou ku stándart internashonal pa labamentu di plaka i finansiamentu di terorismo. For di e evaluashon aki a bini dilanti algun punto di akshon ku Kòrsou mester atendé, pa evitá ku e Pais ta ser inkluí riba e lista gris di FATF. Un di e puntonan di akshon ta e nesesidat pa haña un mihó bista riba e sektor di non-profit na Kòrsou. Pa e motibu aki, a krea un kuestionario pa determiná kua organisashon ta kai bou di e definishon di FATF. Asina por kolektá informashon importante riba e struktura, aktividat, i situashon finansiero di kada organisashon. Kiko esaki ta nifiká pa e organisashon non-profit? Kada organisashon non-profit lo risibí un karta formál i kuestionario den su buson. Servisio di Impuesto di Kòrsou ta pidi pa tur ku a risibí esaki por fabor kompletá e kuestionario di forma korekto, más tardá djaluna 12 di yanüari 2026. Esaki ta di gran importansha pa yuda Kòrsou den su kumplimentu ku su obligashon internashonal i pa sigurá ku ta kumpli ku e standart di FATF. Link di e online di e kuestionario Pa fasilitá e proseso, Servisio di Impuesto di Kòrsou a kreá un plataforma online kaminda e kuestionario por wòrdu kompletá direktamente. Por yena e informashon rekerí na ingles òf hulandes pa medio di e siguiente link:

• Kuestionario na Ingles: https://tinyurl.com/BDCW-Vragen-FATF-EN

• Kuestionario na hulandes: https://tinyurl.com/BDCW-Vragen-FATF-NL

E sistema online lo hasi e proseso mas fásil i sigurá ku tur informashon ta bai di un manera seif i lihé. Deadline E kuestionario kompletu mester wòrdu entregá pa mas tardá 12 di yanüari 2026 via e plataforma online. Si un OSL no por kompleta e kuestionario elektróniko, lo por mail e dokumento kompletu na Servisio di Impuesto di Kòrsou via: info.belastingdienst@gobiernu.cw . Bo por tambe tuma kontakto ku nos via di nos formulario di kontakto. Tur informashon lo wòrdu tratá ku konfidensial i lo wòrdu usá solamente pa e kumplimentu di standart internashonal. Boso koperashon ta esensial pa mantené e posishon di Kòrsou den e lucha global kontra labamentu di plaka i finansiamentu di terorismo. *Un non-profit ta un organisashon ku su meta no ta pa tin ganashi, pero ku ta enfoká riba e benefisio di komunidat. Esaki por inkluí fundashon, organisashon di benefisio soshal, i organisashon ku ta traha pa mehorá e bienestar di e pueblo.  Pa mas informashon si bo tin pregunta òf ke klarifikashon tokante e kuestionario òf e prosedura pa entregá, por tuma kontakto ku e servisio di impuesto di Kòrsou via e number di 'helpdesk' 461-5000.  

Entrante aña di impuesto 2025 ta bai hasi adaptashon na e verzamelloonstaat. Ta trata aki di algun intensifikashon den e definishon i/òf deskripshon di e vèltnan i ampliashon en relashon ku Lei di Bion i tambe pa por mehorá e proseso di yena deklarashonnan di impuesto riba entrada adelantá. E portal digital lo keda adaptá na kuminsamentu di 2026 pa asina esaki por sostené e verzamelloonstaat nobo tambe. Tambe lo adaptá e funshonalidat pa importá e CSV-bestand. Importante! Usa e spesifikashon korekto na momento ku bo bai importá e verzamelloonstaten den e portal digital! Por download e spesifikashonnan korekto aki:

• Añanan di impuesto te ku 2024 i 2025 sin adaptashon en konekshon ku Lei di Bion i deklarashonnan di impuesto riba entrada i primanan pre-yená (PDF).
• Añanan di impuesto desde 2025 ku adaptashon en konekshon ku Lei di Bion i pa e i  deklarashonnan di impuesto riba entrada i primanan pre-yená (PDF).

Pues por usa e spesifikashon di e CSV-fail anterior ainda pa importá e datonan di e verzamelloonstaat 2025 (sin datonan di Lei di Bion). Pa por importá e verzamelloonstaat ku ta inkluí datonan di Lei di Bion, bo mester usa e spesifikashon di importashon nobo na momento ku esaki bira disponibel den e portal digital. Bo lo wòrdu informá na momento ku e spesifikashon nobo aki ta disponibel den e portal digital.   Kambionan di verzamelloonstaat di aña di impuesto 2025 respekto añanan anterior. Informashon di dunadó di trabou:

• CRIBNR; Veld soort: Numeriek i.p.v. tekst;
• NAAM; Omschrijving: Formele naam i.p.v. Formele- of handelsnaam;

Informashon empleado:

• CRIBNR; Veld soort: Numeriek i.p.v. tekst.
• LOON; Omschrijving: Loon/Uitkering i.p.v. loon.
• DIENSTBETRK: Nieuw.
• WERVINGKN; Omschrijving: verwervingskosten i.p.v. wervingskosten.
• PREMIEZOG: Verwijderd.
• GEHUWDAFTR: Verwijderd en vervangen door: ALLEENVTOESL.
• PENSIOAFTR: Verwijderd en vervangen door: OUDERENTOESL.
• LOONONBELOW: Nieuw.
• AANTUUROW: Nieuw.
• LOONONBELJONG: Nieuw.

Klek aki pa mas informashon tokante e verzamelloonstaat, impuesto riba suèldo i primanan.