Nieuws / Yudansa pa drenta den e portal digital: posibilidat pa rekuperá akseso.

Yudansa pa drenta den e portal digital: posibilidat pa rekuperá akseso.

Servisio di Impuesto tin funshonalidat nobo ku ta hasi posibel pa e usuario mes por atendé sierto problema ku por surgi ora ku drenta nan kuenta, sin intervenshon di Servisio na Kliente. Tambe a introdusí diferente medida di seguridat nobo pa protehá e kuentanan personal mas mihó.

Rekuperá bo kódigo sekreto
Usuarionan ku a lubidá nan kódigo sekreto òf ku no tin akseso mas na nan kuenta personal, por rekuperá esaki via e kònòpi “wachtwoord vergeten” riba e página di login riba e portal digital. Despues ku indiká e e-mail adrès registrá, e usuario ta risibí un link di rekuperashon pa asina por traha un kódigo sekreto nobo.

Nobo: Rekuperá bo 2 Factor Authentication (2FA)
Awor ta posibel pa e usuario mes rekuperá e kódigo di 2FA tambe. Na momento ku e usuario no tin akseso na e 2FA authenticator òf e aparato konektá, por rekuperá esaki via e portal digital. Pa esaki tambe mester tin akseso na e e-mail adrès registrá.

Nobo: Bo kuenta ta blòkia temporal si keda login robes
Pa protehá kuentanan di usuario a introdusí “time-out” di bo kuenta. Si keda yena un kódigo sekreto òf kódigo di 2FA robes, na promé instante ta blòkia e kuenta pa un ratu promé ku esaki blòkia permanente.

Esaki ta protehá e kuenta kontra personanan sin outorisashon i ta brinda e oportunidat pa bo rekuperá bo kuenta promé ku esaki keda blòkiá permanente. Pèrkurá pa bo hinka e datonan korekto pa evitá ku ta blòkia e kuenta permanente i ku mester akudí na Servisio di Impuesto.

Bo no mester warda mas riba Servisio di Impuesto!
Ora e kuenta keda blòkiá temporal ta posibel pa rektifiká esaki dor di rekuperá e kódigo sekreto òf 2FA den e portal mes.

Importante: tene bo e-mail up-to-date.

Pa tur proseso di rekuperashon ta importante pa bo e-mail ta esun ku bo tin registrá riba bo kuenta. Kontrolá si esaki ta korekto. Si bo e-mail no ta bálido no por rekuperá bo kuenta.

Unda mi por kontrolá mi e-mail?
Bo por chek e e-mail ku ta registrá dor di klik rèks ariba riba bo nòmber, despues ku bo a login, i despues selektá “Gebruikersaccount”.

Klek aki pa bai na e portal digital.

Bèk na bista general

Artíkulonan relashoná

26 Jul 2026

Korekshon re-imposishon di aanslag inmeresiadamente

Servisio di Impuesto a determiná ku na mei 2026 algun kliente komersial (empresarionan) inmeresidamente a risibí un re-imposishon di aanslag ku but pa impuesto riba entrada, suèldo i primanan sosial.

Na momento ku a imponé e aanslagnan aki, e pagonan risibí no a keda prosesá den nos sistema ainda. Komo konsekuensia di esaki algun re-imposishon a keda mandá inmeresiadamente.

Mientrastantu Servisio di Impuesto a determiná kua ta e kontribuyentenan ku a risibí esaki. E aanslagnan konserní lo keda anulá outomátikamente. No ta nesesario pa entrega un karta di opheshon òf tuma akshon di otro forma.

Nos ta lamentá e situashon i ta pidi diskulpa pa posibel inkumbiniensia ku esaki por a kousa.

Lesa mas

24 Jul 2026

Traspaso den etapa pa adrès di e-mail nobo.

Entrante 27 di yüli 2026 Servisio di Impuesto ta bai kuminsá implementá su espasio di Microsoft- 365 den diferente etapa. Parti di esaki ta e traspaso pa adrèsnan di e-mail ku ta kaba ku gobiernu.cw pa belastingdienst.cw. Pa por sigurá un implementashon efisiente e traspaso lo tuma lugá den diferente etapa. Nos empleadonan lo traspasá tiki tiki pa nan e-mail adrès nobo den e lunanan benidero. Durante e periodo di traspaso ta posibel ku bo ta risibí e-mail di tantu gobiernu.cw komo belastingdienst.cw. Ambos e-mail lo keda bálido durante e periodo di traspaso i esaki lo no tin konsekuensia pa nos servisio na nos klientenan. Ku gentilesa nos ta pidi boso komprenshon i konsiderashon pa esaki i pa, si ta posibel, registrá e adrèsnan di e-mail nobo den boso atministrashon. Na momento ku nos kompletá e traspaso tur empleado lo hasi uso solamente di e e-mail ku ta kaba ku belastingdienst.cw. Pa pregunta òf petishon nos ta sugerí pa, kaminda posibel, hasi uso di e formulario di kontakto riba nos wèpsait. Via e formulario bo mensahe lo keda dirigí direktamente pa e departamento korekto. Asina nos por prosesá bo petishon mas efisiente i lihé posibel Masha danki pa boso kooperashon i komprenshon.

Lesa mas

16 Jul 2026

Prolongashon pa entrega di deklarashon di impuesto riba entrada 2025

E invitashon pa entrega deklarashon di impuesto riba entrada 2025 ta 16 di yüli 2026. Inspektor di Impuesto a disidí pa prolongá e fecha di entrega. E fecha nobo pa entrega ta 2 di novèmber 2026.

Lesa mas