Nieuws / Simplifikashon di prosedura di opheshon ta aplikabel riba impuesto riba ganashi.

Simplifikashon di prosedura di opheshon ta aplikabel riba impuesto riba ganashi.

Resientemente Servisio di Impuesto a simplifiká e proseso di opheshon pa impresarionan ku a entregá nan deklarashon di impuesto riba entrada i riba suèldo lat.
Awor e simplifikashon aki ta aplikabel pa impuesto riba ganashi tambe.

Na momento ku un empresario risibí un aanslag i despues entregá e aangifte ku falta online via e portal digital, esaki ta keda marká outomátikamente komo un opheshon kontra e aanslag risibí.
Pa motibu ku por papia di un opheshon, ta risibí prolongashon di pago mesora.

Ku e adaptashon aki empresarionan no mester entregá un opheshon apart. Esaki ta sòru pa mènos trabou atministrativo i prosedura dòbel. Di e forma aki Serviso di Impuesto por traha mas efisiente.
Servisio di Impuesto ta enfoká riba simplifikashon di prosesonan di impuesto pa asina por keda mehorá servisio na empresarionan tambe.

Bèk na bista general

Artíkulonan relashoná

16 Jul 2026

Prolongashon pa entrega di deklarashon di impuesto riba entrada 2025

E invitashon pa entrega deklarashon di impuesto riba entrada 2025 ta 16 di yüli 2026. Inspektor di Impuesto a disidí pa prolongá e fecha di entrega. E fecha nobo pa entrega ta 2 di novèmber 2026.

Lesa mas

14 Jul 2026

Registrá bo number di kuenta bankario pa risibí restitushon.

E siman aki Servisio di Impuesto a manda mas ku 2500 karta den e inbox digital di kontribuyentenan ku ainda nan number di kuenta bankario ta deskonosí. Bo a risibí e karta? Pa por paga restitushon, bo kuenta bankario mester ta registrá na Servisio di Impuesto. Registrá bo kuenta di banko mas lihé posibel via bo Belastingprofiel den e portal digital. Asina nos prosesá bo number di kuenta bankario, nos por hasi e eventual pago outomátikamente pa bo kuenta. Primi aki pa mas informashon.

Lesa mas

01 Jul 2026

Entregá tur informashon nesesario mesora via e formulario di kontakto nobo!

Pa pregunta, petishon òf informashon por hasi uso di nos formulario di kontakto nobo. Pa medio di e formulario di kontakto ta posibel pa yena tur informashon nesesario mesora pa asina nos por prosesá bo petishon efisiente for di inisio. Ku esaki nos ta evitá ku mester keda manda mail bai bin i nos por atendé bo petishon muchu mas lihé. Riba nos wèpsait tin diferente página ku ta referí na e formulario di kontakto nobo.

Lesa mas