Restitushon
Restitushon
Si bo a hasi deklarashon di impuesto riba entrada i bo a indiká e gastunan dedusibel, manera por ehèmpel interes riba bibienda propio i/òf gastunan médiko ku ta dedusibel, por resultá ku lo bo por haña sèn bèk.
Despues di entregá bo deklarashon bo ta haña despues di tempu un aanslag definitivo. Riba esaki tin indiká si bo mester paga òf haña sèn bèk, òf si bo no ta risibí aanslag.
Si bo a entregá deklarashon di impuesto riba entrada, tin un kantidat di situashon ku ta hasi posibel ku bo por risibí sèn bèk. Den kaso ku bo tin gastunan dedusibel, por resultá ku lo bo risibí sèn bèk.
Na momento ku e montante total ku bo mester risibí ta ménos ku 150 florin bo no ta risibí e montante aki bèk. Tambe bo mester a entregá bo deklarashon riba impuesto di entrada denter di 36 luna despues ku e aña fiskal ei a terminá.
Den kaso di redukshon di impuesto riba salario, bo tin derecho di risibí e montante aki bèk den kaso ku e montante ku bo mester risibí bèk ta mas haltu ku e montante mínimo (drempelbedrag) di 51 florin.
Si bo tin derechi pa risibí restitushon di impuesto, Servisio di Impuesto lo depositá e montante aki direktamente riba e kuenta di banko ku ta konosí pa Servisio di Impuesto. Si bo number di kuenta di banko no ta konosí ainda pa Servisio di Impuesto bo por indiká esaki via di e formulario mas abou.