Paga i Risibí

Bo ta haña un aanslag serka nos ku e montante ku bo tin ku paga. Den e aanslag e término di pago i e karakterístika di pago ta indiká.

Ora bo ta paga ta hopi importante pa bo indiká e referensia di pago, pa e pago por wòrdu bon prosesá.  

Atenshon! Si bo no indiká e referensia di pago òf number di CRIB ora bo ta paga, por resultá ku bo ta risibí un karta di kobransa maske bo a paga. Esei ta nifiká ku e pago no a wòrdu prosesá òf no a wòrdu prosesá korektamente debí ku tabata falta informashon korekto. 

E referensia di pago ta pone parti ariba di e formulario di deklarashon òf – aanslag. Si bo a drenta den un areglo di pago, e ora ei bo por indiká e number di e areglo konserní. Si bo ta duda bo por indiká e number di CRIB (ku ta konsistí di nuebe number) semper.

E numbernan di kuenta di Landsontvanger ta:

Bo a entregá bo deklarashon i bo mester bai paga? E ora ei bo mester paga pa kada medio di impuesto separá i no pa e montante di tur e medionan huntu. Esaki ta pa evitá ku despues bo ta risibí un aanslag òf karta di kobransa tòg. 

Indiká e referensia di pago semper ta keda importante, sinó nos no por prosesá bo pago. 

Pa hasi pago for di eksterior bo tin mester di Swift Code. Kada banko tin nan propio Swift Code.

Bo mes por tuma kontakto ku Servisio di Impuesto pa indiká e korekshon. Bo por manda un karta òf tuma kontakto via di nos formulario di kontakto. Akinan tambe ta importante pa bo indiká bo number di CRIB, na ki momento bo a paga, na kua banko i tambe e referensia di pago ku bo mester a usa.

Nos por prosesá bo pago mas lihé si bo indiká e referensia di pago korekto. Kiko ta pasa si e referensia di pago ta inkorekto, òf no ta menshoná? E ora’ei ta dura mas largu pa prosesá bo pago. Si bo indiká un number di CRIB nos por mira di ken e pago ta. E pago no por wòrdu prosesá si bo a indiká muchu tiki informashon, i konsekuentemente Servisio di Impuesto no por identifiká bo. Asina por resultá ku bo ta risibi un aanslag òf karta di kobransa, mientrastantu bo a paga. 

Nos ta sòru pa semper bo pago ta prosesá den nos atministrashon ku e fecha riba kua e pago a subi nos kuenta. Si bo tin duda, bo por tuma kontakto ku nos libremente via di nos formulario di kontakto.

Bo a paga dimas riba un aanslag i bo no tin otro aanslag habrí?

E ora ei bo por manda un karta òf tuma kontakto via di nos formulario di kontakto. Den kaso ku bo no tin otro aanslag habrí, e ora’ei bo ta risibí e montante ku bo a paga dimas denter di 2 siman bèk riba bo kuenta, si esaki ta konosí serka nos. Bo mester perkurá pa nos tin un number di kuenta di banko korekto di bo. 

Bo tin mas aanslag habrí? E ora ei nos ta deskontá e aanslag(nan) habrí for di e montante ku bo a paga dimas. 

Ta posibel ku bo ta bini na remarke pa risibí restitushon di Servisio di Impuesto. Pa mas informashon tokante restitushon por bai na e página aki.

Via bo inbox personal riba e portal digital bo por mira si bo mester paga òf haña sèn bèk. Por drenta e portal digital aki.