Stòp ku i seramentu di un kompania
Tin un algun asuntu ku bo mester regla promé ku bo por stòp ku bo kompania, sea ta un kompania unipersonal, un Sosiedat Kolektivo (V.O.F), un Sosiedat Komanditario (C.V.) òf un sosiedat. Por tin diferente motibu pa stòp ku un kompania, entre otro: bankarota, kambio di forma legal, fayesimentu di doño di negoshi òf emigrashon.
Un kompania ta un organisashon sostenibel di kapital i labor ku pa medio di su partisipashon na trafikashon ekonómiko ta buska pa yega na ganashi. Si un empresario stòp di operá un kompania pa su mes kuenta, e ora ei ta trata di seramentu di e kompania. Pues, no ta trata solamente di seramentu di kompania ora di traspaso òf likidashon di e kompania, pero tambe ora ku e empresario fayesé. Stòp ku i sera un kompania ta nifiká meskos, p’esei nan ta wòrdu bruá den otro.
Si bo ke sera bo kompania tin algun akshon ku bo mester tuma.
- Bo ta kanselá bo registrashon na Kámara di Komèrsio;
- Bo ta kanselá bo registrashon na Servisio di Impuesto;
- Bo ta warda henter bo atministrashon pa 10 aña.
Si bo tabatin trahadó den servisio, bo mester kanselá bo registrashon na SVB i SOAW tambe. Ademas ta bon pa kanselá seguronan i eventual pèrmitnan di bo kompania.
Si bo no kanselá bo registrashon na Servisio di Impuesto, bo mester keda agregá e sifranan anual di bo kompania na bo deklarashon di impuesto riba entrada tur aña di nobo. Tambe bo ta keda risibí otro deklarashonnan di impuesto, manera impuesto riba benta i eventual impuesto riba salario. E ora ei bo mester entregá i paga esakinan tambe. Miéntras bo no kanselá bo registrashon na Kámara di Komèrsio bo mester sigui paga e kontribushon anual.
Si bo ta bai stòp ku bo kompania bo mester paga bo debenan habrí. Debe di impuesto por surgi pa motibu ku ainda bo mester paga impuesto riba e ganashi di kompania di e aña ku bo kompania a sera.
Bo por disidí tambe di kambia forma legal di bo kompania, manera den un Sosiedat Privá (B.V.) òf un Sosiedat Anónimo (N.V.). Bo por tuma konseho tokante di esaki serka un konsehero, accountant òf notario. Kambiamentu di forma legal por tin konsekuensianan fiskal hopi grandi.
Den e tabla aki bou bo ta haña un resumen di e diferente akshonnan ku ta nesesario ora bo ke sera bo kompania/si bo ta heredero di un empresario ku a fayesé.
| Wat is uw situatie? | Wat moet u doen? |
|---|---|
| Verkoopt u uw onderneming? Draagt u uw onderneming over? Stopt u met uw onderneming? | Laat u goed adviseren door een deskundige. U geeft de stakingswinst/verlies aan in uw aangifte inkomstenbelasting. |
| Wordt uw onderneming failliet verklaard? | De Rechtbank kan u failliet verklaren als u uw schulden niet meer kunt betalen. Als u failliet wordt verklaard, dient u zich direct te melden bij de Belastingdienst. |
| Als de ondernemer komt te overlijden | Als de ondernemer overlijdt, moeten de erfgenamen de belastingzaken afhandelen. |
| Gaat u uw onderneming omzetten naar een andere rechtsvorm? | Laat u goed adviseren door een deskundige. Een verandering van rechtsvorm heeft altijd fiscale gevolgen. |