×
Ga terug

Importante: bo deklarashon di impuesto riba entrada

Kada persona ku ta risibí entrada, tin un obligashon pa deklará nan impuesto riba entrada, sin importá si bo a risibí un invitashon pa hasi esaki di Servisio di Impuesto òf no.

Servisio di Impuesto ta manda invitashon pa kontribuyentenan ku probablemente debe impuesto òf prima. Si bo risibí un invitashon, e fecha di deklarashon manera indiká den e karta ta e fecha di mas tardá pa entregá e deklarashon. Si no hasi esaki na tempu bo ta riska un but òf bo derechi riba restitushon ta kaduká.

Bo por entregá bo deklarashon di impuesto riba entrada online. Pa esaki bo mester di un kuenta personal den e portal digital.

Klek aki pa traha bo kuenta personal.

Bo mester di yudansa?
Bo no por entregá e deklarashon online òf bo mester di yudansa pa yena esaki?

Tuma kontakto ku nos Servisio na Kliente.

Tuma nota: e yudansa aki ta solamente pa partikularnan ku un entrada limitá. Bo ta bini na remarke si bo ta kumpli ku e siguiente kondishonnan:

  • Soltera(o) sin un eenmanszaak òf empresa: un entrada anual di máksimo Cg 60.000 bruto.
  • Kasá òf bibá huntu sin eenmanszaak òf empresa: huntu un entrada anual di máksimo Cg 90.000 bruto.

Servisio na Kliente no ta duna konseho òf guia fiskal.

Entregá bo deklarashonnan na tempu pa evitá but.

Mas informashon tokante impuesto riba entrada? Klek aki.

Bèk na bista general

Artíkulonan relashoná

26 Jul 2026

Korekshon re-imposishon di aanslag inmeresiadamente

Servisio di Impuesto a determiná ku na mei 2026 algun kliente komersial (empresarionan)  inmeresidamente  a risibí  un re-imposishon di aanslag ku but  pa impuesto riba entrada, suèldo i primanan sosial.
Na momento ku a imponé e aanslagnan aki, e pagonan  risibí  no a keda prosesá den nos sistema ainda. Komo konsekuensia di esaki algun re-imposishon a keda mandá  inmeresiadamente.  
Mientrastantu Servisio di Impuesto a determiná kua ta e kontribuyentenan ku a risibí esaki. E aanslagnan konserní lo keda anulá outomátikamente. No ta nesesario pa entrega un karta di opheshon òf tuma akshon di otro forma.
 
Nos ta lamentá e situashon i ta pidi diskulpa pa posibel inkumbiniensia ku esaki por a kousa.
Lesa mas
24 Jul 2026

Traspaso den etapa pa adrès di e-mail nobo.

Entrante 27 di yüli 2026 Servisio di Impuesto ta bai kuminsá implementá su espasio di Microsoft- 365 den diferente etapa. Parti di esaki ta e traspaso pa adrèsnan di e-mail ku ta kaba ku gobiernu.cw pa belastingdienst.cw. Pa por sigurá un implementashon efisiente e traspaso lo tuma lugá den diferente etapa. Nos empleadonan lo traspasá tiki tiki pa nan e-mail adrès nobo den e lunanan benidero. Durante e periodo di traspaso ta posibel ku bo ta risibí e-mail di tantu gobiernu.cw komo belastingdienst.cw. Ambos e-mail lo keda bálido durante e periodo di traspaso i esaki lo no tin konsekuensia pa nos servisio na nos klientenan. Ku gentilesa nos ta pidi boso komprenshon i konsiderashon pa esaki i pa, si ta posibel, registrá e adrèsnan di e-mail nobo den boso atministrashon. Na momento ku nos kompletá e traspaso tur empleado lo hasi uso solamente di e e-mail ku ta kaba ku belastingdienst.cw. Pa pregunta òf petishon nos ta sugerí pa, kaminda posibel, hasi uso di e formulario di kontakto riba nos wèpsait. Via e formulario bo mensahe lo keda dirigí direktamente pa e departamento korekto. Asina nos por prosesá bo petishon mas efisiente i lihé posibel Masha danki pa boso kooperashon i komprenshon.
Lesa mas
16 Jul 2026

Prolongashon pa entrega di deklarashon di impuesto riba entrada 2025

E invitashon pa entrega deklarashon di impuesto riba entrada 2025 ta 16 di yüli 2026. Inspektor di Impuesto a disidí pa prolongá e fecha di entrega. E fecha nobo pa entrega ta 2 di novèmber 2026.
Lesa mas