Si bo a kumpra un vehíkulo, e ora ei bo mester transferí e number di vehíkulo na bo nòmber ku yudansa di e bendedó. Si bo kumpra e vehíkulo serka un komersiante na Kòrsou, e ora ei, den mayoria kaso e komersiante por regla e registrashon nobo òf transferensia pa bo.  

Bo a kumpra serka un partikular? E ora ei bo ta regla e transferensia di e siguiente forma: 

1. Bo ta bai Servisio di Impuesto, Lokalidat di kùr (Keuringslokaal), i Lokèt di Pèrmit (Bentana di Informashon) pa tuma e formulario di kontra-deklarashon di impuesto riba benta di vehíkulo di motor (papel ros). Den hopi kaso e formulario aki ta disponibel tambe na kompanianan di seguro. 
2. Ta responsabilidat di e bendedó pa yena e formulario di kontra-deklarashon i firm’é. 
3. Banda di esaki mester entregá e karchi di kùr, un resibu (òf kontrato di benta), un prueba di identidat bálido i e formulario di kontra-deklarashon (papel ros) yená na Servisio di Impuesto. Lo bo risibí un kopia di e papel ros yená.
4. Bo mester hiba kopia di e deklarashon na Lokalidat di Kùr (Keuringslokaal – UOVV). Akinan nan ta prosesá e datonan i bo por risibí e karchi di kùr nobo.
5. Awor e vehíkulo ta na bo nòmber i bo mester kumpli ku e obligashonnan ku ta mará na esaki. 

Si no a paga e impuesto riba vehíkulo motorisá (MRB) ainda, por pasa hasi esaki na ACU i C-Post. 

Si e impuesto di vehíkulo motorisá (MRB) ta pagá kaba pa e siguiente kuartalnan, bo mester laga hasi kambio di nòmber riba e karchi di impuesto na lokèt di MRB na Servisio di Impuesto.