Number di CRIB
Un number di CRIB ta un number personal úniko pa tur hende ku ta registrá na Servisio di Impuesto. E abreviashon CRIB ta para pa ‘Centraal Registratie Informatie Belastingplichtige’, pues Registro di Informashon Sentral pa Kontribuyentenan.
Tur kontribuyente na Kòrsou tin mester di un number di CRIB. Esaki ta nifiká tantu partikularnan, komo empresarionan.
Bo tin mester di un number di CRIB pa e komunikashon ku gobièrnu. Por ehèmpel si bo ta importá produktonan for di eksterior, e ora ei Servisio di Impuesto ta manda bo number di CRIB outomátikamente pa Duana. Pero, bo tin mester di bo number di CRIB tambe na momento ku bo ta yena bo deklarashon riba impuesto di entrada.
Pa hasi petishon pa un number di CRIB komo partikular, bo por tuma kontakto via di nos formulario di kontakto òf manda un meil na info.belastingdienst@gobiernu.cw. Manera ku bo number di CRIB ta kla nos lo manda esaki na e adrès di meil ku ta konosí serka nos.
Den bo meil di petishon bo mester manda e siguiente dokumentonan:
- Un kopia digital òf un potrèt bon klá di e parti dilanti i e parti patras di bo prueba di identidat bálido. Esaki por ta un sédula òf pasport;
- Bo nòmber;
- Bo adrès.
Manera ku bo number di CRIB ta kla nos lo manda esaki na e adrès di meil ku ta konosí serka nos.
Bo por hasi petishon pa bo number di CRIB manera bo ta inskribí na registro sivil i a risibí un sédula òf si bo tin un pasport bálido.