Areglo di pago
Mi no por paga impuesto na tempu, kiko mi mester hasi?
Bo a risibí un aanslag di impuesto i bo no por paga na tempu? Tuma kontakto inmediatamente ku Servisio di Impuesto pa hasi petishon pa drenta un areglo di pago. Bo por hasi esaki via di telefòn òf via di formulario di kontakto.
Kiko tur mi tin mester pa yega na un areglo di pago?
Pa un persona natural/físiko (CRIB 170 000 000)
- Un slep di salario (di e último 2 lunanan)
- Estado di kuenta bankario (di e último 2 lunanan)
- Eventual dokumentonan di hipotek
- Gastunan fiho (di e último dos lunanan)
Den otro kasonan
- Estado di kuenta bankario (di e último 2 lunanan);
- Un relato finansiero anual;
- Tur dokumentonan nesesario pa kalkulashon di likides.
Mi ke paga mas ku e montante kumbiní den mi areglo di pago, esaki por òf ta permití?
Sigur ku sí. Bo no tin mester di indiká esaki. E montante mínimo pa luna no ta kambia, pero e ta nifiká ku bo ta kaba di paga mas lihé.
Kiko mi mester hasi si mi no por paga e montante kumbiní di mi areglo di pago mas?
Den e kaso ei bo mester tuma kontakto inmediatamente ku bo Kobradó. Esaki por via di telefòn òf meil.
Mi petishon pa un areglo di pago por wòrdu rechasá?
Si, esaki ta posibel. Den kaso ku:
- E datonan rekerí no wòrdu entregá (kompletamente) na Ontvanger den e tempu stipulá;
- Duna datonan ínkorekto;
- Ontvanger konsiderá ku kolaborashon di e petishonario no ta sufisiente.
Mi areglo di pago otorgá por wòrdu halá aden?
Si, esaki ta posibel. Den kaso ku:
- No kumpli ku e eksigensianan akordá;
- Durante di e areglo di pago resultá ku a duna datonan ínkorekto.
Halamentu di e areglo di pago aden lo wòrdu notifiká por eskrito na e kontribuyente.