Último fecha pa entregá verzamelloonstaat 2024 ta 31 di yanüari 2025
Servisio di Impuesto ta traha konstantemente riba mehorashon di su servisionan. Den kuadro di esaki ta optimalisá e prosesonan atministrativo, i kaminda ta nesesario ta involukrá ICT pa evitá fayonan den e proseso pa e trabounan por kana mas lihé i efisiente.
Un parti importante den esaki ta pa parsialmente yena e deklarashon digital di impuesto riba entrada 2024 delantá. Servisio di Impuesto ke asistí e kliente pa e por risibí e restitushon di 2024 mas lihé posibel. Pa por realisá esaki, e informashon di salario di e dunadó di trabou ta keda yená adelantá den e deklarashon di impuesto riba entrada.
Pa por yena e datonan aki delantá ta nesesario pa e dunadó di trabou entregá e verzamelloonstaat 2024 na tempu. E término stipulá den lei pa entregá esaki ta riba 31 di yanüari 2025.
Kiko esaki ta nifiká pa e dunadó di trabou?
Ora entregá e verzamelloonstat na tempu por yena e informashon di e empleado adelantá den e deklarashon di impuesto. Esaki ta hasi e proseso di deklarashon mas fásil pa e empleado. Servisio di Impuesto ta spera di por hasi e deklarashon, ku ta yená parsialmente adelantá, disponibel pa su klientenan entrante 1 di aprel 2025.
Ta importante pa enfatisá ku e kliente ta keda esun responsabel pa yena e informashon korekto den e deklarashon. Esaki ta nifiká ku e informashon ku a keda yená adelantá mester wòrdu kontrolá i si ta nesesario adaptá.
Konsekuensianan di entregá lat
Si no entregá e verzamelloonstaat na tempu nos no por yena e informashon di salario delantá den e deklarashon i esaki por pone ku e proseso di deklarashon lo dura mas largu. Pues, si entregá esaki lat e por tin konsekuensia pa tantu e empleado komo e dunadó di trabou. Servisio di Impuesto ta apelá na tur dunadó di trabou pa entregá nan verzamelloonstaat promé ku 31 di yanüari 2025 pa asina garantisá un proseso di deklarashon mas efisiente i ku asina por prosesá retitushonnan na tempu.
Artíkulonan relashoná
Kontakto ku Serviso di Impuesto? Usa e formulario di kontakto.
Wilt u ons digitaal een vraag stellen of een bericht sturen? Gebruik dan het contactformulier.
Een bericht via het contactformulier staat gelijk aan het sturen van een e-mail.
Het contactformulier helpt u stap voor stap om de juiste informatie door te geven. U hoeft zelf geen uitgebreide e-mail op te stellen: aan de hand van uw onderwerp kunt u de juiste informatie in het formulier doorgeven.
Zo ontvangen wij direct de benodigde informatie en komt uw bericht intern bij de juiste afdeling terecht. Dit helpt ons om uw vraag gerichter en efficiënter te behandelen.