×
Ga terug

Obligashonnan di pago ta keda na vigor. Por hasi areglo di pago

Apesar di e limitashonnan den servisionnan di Servisio di Impuesto en konekshon ku e atake resien di ransomware, Servisio di Impuesto ke enfatisá ku tur kontribuyente tin di kumpli ku nan deber di pago na tempu. E sistemanan pa prosesá pago ta operashonal i Ontvanger ta habrí pa por pasa paga òf hasi areglo di pago.

Por paga via:

  1. Kanalnan digital di kustumber (online)
  2. Bo karchi di banko na kaha (na Regentesselaan z/n)
  3. Pago kèsh via Pagafasil na e puntonan di servisio di kustumber
  4. Un areglo di pago ku Ontvanger, si bo no tin moda di paga mesora

Evitá but i medida di kobransa dor di paga na tempu. E opshon di hasi areglo di pago ta un alivio pa esnan ku no ta den posishon pa paga mesora. Ontvanger ta atendé e petishonnan manera kustumber.

Tene na kuenta:
Djaweps 31 di yüli ta e delaster dia ku por entregá un petishon pa un areglo di pago sin interes. Enrante 1 di ougùstùs ta konta ku forsa retroaktivo te ku 1 di aprel 2023 un interes di 6,75% riba e montante habrí ku debe, a ménos ku a hasi un petishon pa un areglo di pago via e formulario promé ku 1 di ougùstùs.

Servisio na Kliente ainda no ta alkansabel en persona ni via telefòn. Pregunta tokante deklarashon òf e portal digital por keda hasí via nos formularionan digital òf via nos formulario di kontakto.

Mientrastantu, Servisio di Impuesto ta sigui traha duru pa pone su sistemanan bèk den servisio. Siguridat di e datonan i sistemanan ta keda e prioridat di mas haltu.

Informashon tokante pago, areglo di pago i orario di servisio ta disponibel via e kanalnan ofisial di Servisio di Impuesto Kòrsou.

Bèk na bista general

Artíkulonan relashoná

26 Jul 2026

Korekshon re-imposishon di aanslag inmeresiadamente

Servisio di Impuesto a determiná ku na mei 2026 algun kliente komersial (empresarionan)  inmeresidamente  a risibí  un re-imposishon di aanslag ku but  pa impuesto riba entrada, suèldo i primanan sosial.
Na momento ku a imponé e aanslagnan aki, e pagonan  risibí  no a keda prosesá den nos sistema ainda. Komo konsekuensia di esaki algun re-imposishon a keda mandá  inmeresiadamente.  
Mientrastantu Servisio di Impuesto a determiná kua ta e kontribuyentenan ku a risibí esaki. E aanslagnan konserní lo keda anulá outomátikamente. No ta nesesario pa entrega un karta di opheshon òf tuma akshon di otro forma.
 
Nos ta lamentá e situashon i ta pidi diskulpa pa posibel inkumbiniensia ku esaki por a kousa.
Lesa mas
24 Jul 2026

Traspaso den etapa pa adrès di e-mail nobo.

Entrante 27 di yüli 2026 Servisio di Impuesto ta bai kuminsá implementá su espasio di Microsoft- 365 den diferente etapa. Parti di esaki ta e traspaso pa adrèsnan di e-mail ku ta kaba ku gobiernu.cw pa belastingdienst.cw. Pa por sigurá un implementashon efisiente e traspaso lo tuma lugá den diferente etapa. Nos empleadonan lo traspasá tiki tiki pa nan e-mail adrès nobo den e lunanan benidero. Durante e periodo di traspaso ta posibel ku bo ta risibí e-mail di tantu gobiernu.cw komo belastingdienst.cw. Ambos e-mail lo keda bálido durante e periodo di traspaso i esaki lo no tin konsekuensia pa nos servisio na nos klientenan. Ku gentilesa nos ta pidi boso komprenshon i konsiderashon pa esaki i pa, si ta posibel, registrá e adrèsnan di e-mail nobo den boso atministrashon. Na momento ku nos kompletá e traspaso tur empleado lo hasi uso solamente di e e-mail ku ta kaba ku belastingdienst.cw. Pa pregunta òf petishon nos ta sugerí pa, kaminda posibel, hasi uso di e formulario di kontakto riba nos wèpsait. Via e formulario bo mensahe lo keda dirigí direktamente pa e departamento korekto. Asina nos por prosesá bo petishon mas efisiente i lihé posibel Masha danki pa boso kooperashon i komprenshon.
Lesa mas
16 Jul 2026

Prolongashon pa entrega di deklarashon di impuesto riba entrada 2025

E invitashon pa entrega deklarashon di impuesto riba entrada 2025 ta 16 di yüli 2026. Inspektor di Impuesto a disidí pa prolongá e fecha di entrega. E fecha nobo pa entrega ta 2 di novèmber 2026.
Lesa mas

Helpdesk

Graag uw sédula nummer invoeren, bent u niet in het bezit van een geldige sédula, dan kunnen wij uw gegevens niet automatisch matchen.

Wij verzoeken u aan het speciaal hiervoor ingerichte loket bij de Belastingdienst uw rekeningnummer op te laten voeren. Vergeet niet uw geldige paspoort of rijbewijs mee te nemen.

Bezoekadres:

WTC Curaçao, Piscaderaweg z/n
Openingstijden:
Van ma t/m vrij van 08:00u tot 15:00u.
Telefoonnummer: +5999 734 2570
Email: info.belastingdienst@gobiernu.cw

This will close in 0 seconds

Hoe upload ik een kopie van een geldig legitimatiebewijs?

  1. Scan of maak een close-upfoto van uw legitimatiebewijs.
  2. Zorg dat het ID nummer, uw naam, geboortedatum en foto duidelijk zichtbaar zijn.
  3. Sla de foto op als png, jpg, jpeg of pdf bestand op uw computer.
  4. Ga terug naar het formulier, klik op “Selecteer bestand” en kies het bestand met de kopie van het legitimatiebewijs. De Belastingdienst accepteert de volgende documenten als legitimatiebewijs:
    – Paspoort
    – Rijbewijs
    – Sédula

This will close in 0 seconds

Helpdesk

Por fabor yena bo number di sédula, si bo no tin un sédula bálido, nos no por prosesá bo datos outomátikamente.

Si bo no tin un sédula bálido, mester pasa na ofisina di Servisio di Impuesto pa duna bo number di kuenta. No lubidá di bai ku sea bo pasport òf reibeweis bálido.

Por pasa na:

WTC Curaçao, Piscaderaweg z/n
Di djaluna pa d​jabièrne di 8:00or pa 15:00or
Number di telefòn: +5999 734 2570
Email: info.belastingdienst@gobiernu.cw

This will close in 0 seconds

K​on mi ta upload un kopia di un identifikashon bálido?

  1. Scan òf saka un portrèt di aserka di bo identifikashon.
  2. Bo number di ID, nòmber, fecha di nasementu i portrèt mester ta bon visibel riba e portrèt òf scan.
  3. Warda e portrèt/scan komo png, jpg, jpeg òf pdf riba bo kòmpiuter.
  4. Bai bek na e formulario i klek riba ” Upload bo identifikashon bálido ​” i skohe e file kaminda bo a warda e portrèt/scan di e identifikashon.
    Servisio di Impuesto ta aseptá e siguiente dokumentonan komo identifikashon bálido:
    – Pasport
    – Reibeweis
    – Sédula

This will close in 0 seconds