Atenshon riba plachi di number ku NO ta ofisial.

En konekshon ku e desishon di Gobièrnu pa apuntá Banco di Caribe komo nan banko di kas, no ta posibel mas pa hasi pago ku Kompa Leon entrante promé di aprel 2026. Nos ta rekordá ku for di 2023 nos no ta aseptá pago ku sèn kèsh mas. Por hasi uso di métodonandi pago alternativo manera:

• Sentoo
• Pagafasil
• Pago online (online banking)
• Paga na kaha di Servisio di Impuesto (swipe)

Danki pa boso komprenshon i koperashon. Pa mas pregunta òf informashon por tuma kontakto ku nos

Servisio di Impuesto tin funshonalidat nobo ku ta hasi posibel pa e usuario mes por atendé sierto problema ku por surgi ora ku drenta nan kuenta, sin intervenshon di Servisio na Kliente. Tambe a introdusí diferente medida di seguridat nobo pa protehá  e kuentanan personal mas mihó.   Rekuperá bo kódigo sekreto Usuarionan ku a lubidá nan kódigo sekreto òf ku no tin akseso mas na nan kuenta personal, por rekuperá esaki via e kònòpi “wachtwoord vergeten” riba e página di login riba e portal digital. Despues ku indiká e e-mail adrès registrá, e usuario ta risibí un link di rekuperashon pa asina por traha un kódigo sekreto nobo.   Nobo: Rekuperá bo 2 Factor Authentication (2FA) Awor ta posibel pa e usuario mes rekuperá e kódigo di 2FA tambe. Na momento ku e usuario no tin akseso na e 2FA authenticator òf e aparato konektá, por rekuperá esaki via e portal digital. Pa esaki tambe mester tin akseso na e e-mail adrès registrá.   Nobo: Bo kuenta ta blòkia temporal si keda login robes Pa protehá kuentanan di usuario a introdusí "time-out" di bo kuenta. Si keda yena un kódigo sekreto òf kódigo di 2FA robes, na promé instante ta blòkia e kuenta pa un ratu promé ku esaki blòkia permanente. Esaki ta protehá e kuenta kontra personanan sin outorisashon i ta brinda e oportunidat pa bo rekuperá bo kuenta promé ku esaki keda blòkiá permanente. Pèrkurá pa bo hinka e datonan korekto pa evitá ku ta blòkia e kuenta permanente i ku mester akudí na Servisio di Impuesto. Bo no mester warda mas riba Servisio di Impuesto! Ora e kuenta keda blòkiá temporal ta posibel pa rektifiká esaki dor di rekuperá e kódigo sekreto òf 2FA den e portal mes.   Importante: tene bo e-mail up-to-date. Pa tur proseso di rekuperashon ta importante pa bo e-mail ta esun ku bo tin registrá riba bo kuenta. Kontrolá si esaki ta korekto. Si bo e-mail no ta bálido no por rekuperá bo kuenta.   Unda mi por kontrolá mi e-mail? Bo por chek e e-mail ku ta registrá dor di klik rèks ariba riba bo nòmber, despues ku bo a login, i despues selektá “Gebruikersaccount”. Klek aki pa bai na e portal digital.  

Resientemente Servisio di Impuesto a simplifiká e proseso di opheshon pa impresarionan ku a entregá nan deklarashon di impuesto riba entrada i riba suèldo lat. Awor e simplifikashon aki ta aplikabel pa impuesto riba ganashi tambe. Na momento ku un empresario risibí un aanslag i despues entregá e aangifte ku falta online via e portal digital, esaki ta keda marká outomátikamente komo un opheshon kontra e aanslag risibí. Pa motibu ku por papia di un opheshon, ta risibí prolongashon di pago mesora. Ku e adaptashon aki empresarionan no mester entregá un opheshon apart. Esaki ta sòru pa mènos trabou atministrativo i prosedura dòbel. Di e forma aki Serviso di Impuesto por traha mas efisiente. Servisio di Impuesto ta enfoká riba simplifikashon di prosesonan di impuesto pa asina por keda mehorá servisio na empresarionan tambe.