×
Ga terug

Ta prohibí pa imitá plachi di number di 2026

Landsontvanger di Kòrsou ta hasi públikamente konosí ku ta prohibí pa imitá òf falsifiká plachinan di number di 2026. Landsontvanger ta doño di tur derechi ku ta resultá for di derecho di outor en konekshon ku e diseño di e plachinan di number, i ta eksklusivamente outorisá pa eksplotá e diseño aki.

Imitá, falsifiká, bende òf merkadiá kopia di e plachinan di number 2026, sin outorisashon di Landsontvanger, ta kastigabel i lo tin medidanan hurídiko komo konsekuensia. Solamente plachi di number ku a keda otorgá pa Landsontvanger por keda montá riba vehíkulonan.

E plachinan di number nobo tin diferente karakterístika di seguridat ku ta kontribuí na mihó maneho i rekonosementu di vehíkulonan riba kaya. E medida aki a keda introdusí pa salvaguardá e integridat di e sistema di registrashon di plachi di number na Kòrsou i pa evitá mal uso di plachinan di number falsifiká.

Bèk na bista general

Artíkulonan relashoná

13 Mar 2026

Notice otice to Financial Institutions – CRS/AEOI RY 2025

Primi aki pa mas informashon.
Lesa mas
03 Mar 2026

Vidio di instrukshon nobo pa drenta den e portal digital ku 2FA

Pa por fasilitá usuarionan pa drenta den e portal digital a pone vidio di instrukshon nobo riba nos wèpsait. Den e vidionan di instrukshon aki ta mustra stap pa stap kon bo por drenta den e portal digital ku e two-factor authentication (2FA). Esaki ta un medio di protekshon pa sigurá ku bo datonan personal i asuntunan privá  ta mihó protehá . E vidionan ta kompletamente na Papiamentu i fásil pa sigui. Klek aki pa wak e vidionan di instrukshon.
Lesa mas
15 Feb 2026

Frekuensia di deklarashon di OB adaptá 2026

Entrante yanüari 2026 a adaptá e frekuensia di deklarashon pa impuesto riba entrada (OB). Meta di e adaptashon aki ta pa baha e gastunan atministrativo pa e empresarionan i alabes redusí e kantidat di aanslag ku ta sali debí ku e empresario no ta paga e OB (na tempu). Servisio di Impuesto ta usa e siguiente klasifikashonnan:
  • Pa entrada anual (belaste jaaromzet) di ménos ku XCG 30.000 bo ta keda klasifiká komo deklaradó annual;
  • Pa entrada anual (belaste jaaromzet) entre XCG 30.000 i XCG 75.000 bo ta keda klasifiká komo deklaradó pa kuartal;
  • Pa un entrada anual (belaste jaaromzet) di mas ku XCG 75000 bo ta keda klasifiká komo deklaradó mensual.
E frekuensia di deklarashon aki e keda prosesá den e portal digital. Ta posibel ku na momento ku bo drenta den e portal, bo no por entregá bo deklarashon pa yanüari 2026 pasó bo a keda apuntá komo deklaradó anual òf di kuartal. https://belastingdienst.cw/pap/dokumentonan/ Mester entregá e deklarashon mensual di 2026 pa mas tardá 15 di yanüari 2027. Deklarashonnan pa kuartal mester keda entregá pa mas tardá riba e di 15 dia di e luna ku ta sigui e kuartal. Klek aki pa e fechanan.
Lesa mas