Portal Digital: un ambiente nobo

Kontinuamente Servisio di Impuesto ta trahando riba optimalisashon di nos servisionan digital. Nos meta ta pa hasi nos proseduranan mas efisiente i fásil pa nos klientenan. Pronto nos lo introdusí algu spesial: nos portal digital den un bachi nobo!​

Servisio di Impuesto ta bai duna mas atenshon na interakshon digital ku su klientenan i sosionan. E portal nobo ta un parti integral den esaki i a keda diseñá ku bista riba seguridat i fasilidat pa e usario. Ku esaki nos ta pone e promé stap pa mas independensia, servisio online ​i komunikashon digital ku Servisio di Impuesto.

Banda di e kambionan den e ambiente di e página prinsipal a bira mas fásil pa nabegá den e portal. Tambe ta bira posibel pa kambia bo datonan personal òf ate​nde bo number di kuenta di banko pa restitushon. Práktiko no?

Via e inbox digital personal bo ta risibí bo aanslag i demas informashon di Inspektor. Tur informashon huntu! Nos ta bèrdè di bèrdè, pues tur aanslag riba papel bo ta risibí solamente riba petishon. Bo mes por regla esaki online.

Mas interakshon online ta rekerí un ambiente mas sigur ​i p​’esei a hasi diferente kambio na e portal digital. Nos a introdusí e asina yamá two-factor authentication (2FA). Esaki ta nifiká ku mester hasi dos paso promé ku por drenta e portal pero esaki ta hasi’é mas difísil pa personanan sin outorisashon. Seguridat na promé lugá!

Kuenta personal
Bo asuntunan di impuesto ta keda reglá dor di un konsultor di impuesto òf dor di bo pareha/kasá? Ta posibel ku bo no tin bo propio kuenta serka nos.

Nos ta konsehá bo pa hasi esaki mas lihé posibel. Solamente via bo kuenta personal bo tin akseso na bo inbox digital i bo por hasi uso di e bentahanan ku esaki ta trese kuné.