Informashon i tarifanan

Bo mester paga e impuesto di vehíkulo di motor pa 31 di yanüari di e aña di impuesto. Ta posibel pa paga mitar di e impuesto pa 31 di yanüari. Bo ta paga e ora ei pa e periodo di 1 di yanüari te ku 30 di yüni. Bo mester paga e otro mitar riba 30 di yüni, pa e periodo di 1 di yüli te ku 31 di desèmber.

E periodonan di impuesto ta wòrdu marká ku un sticker i/òf plachi di number.

• Ora paga e promé mitar di aña ta risibí e plachi di number 2026
• Ora paga pa henter aña ta risibí e sticker blou I e plachi di number 2026.
• E plachinan di number 2026 lo keda otorgá dor di Ontvanger despues.

Tuma nota: por paga pa 2026 si bo a hasi bo pago di MRB te ku desèmber 2025.

Ora bo ta bai paga impuesto riba vehíkulo motorisá, bo mester trese e siguiente dokumentonan:

• Karchi di kùr bálido
  Bo karchi di kùr no por a vense riba e dia ku bo ta hasi e pago, tampoko e fecha di vensementu por ta mésun dia ku e dia di pago. Por ehèmpel: si bo ta paga e impuesto riba 20 di mart, e karchi di kùr mester ta bálido te ku 21 di mart di e mésun aña òf mas despues.
• Komprobante di seguro bálido
  Ora di paga impuesto, e komprobante di seguro mester ta pagá te ku mínimo e fecha di kompra di impuesto.
• Komprobante di pago di MRB 2025.

Importante
Entrante 12 di yanüari 2026 bo por paga e MRB di 2026.

Bo por paga e impuesto riba vehíkulo motorisá i e impuesto di finalisashon di vehíkulo na e siguiente sitionan:

• Kooperativa di Spar i di Krédito ACU, di djaluna pa djabièrne for di 8.00 or – 3.30 or sin stòp na Jan Noorduynweg i Zuikertuin Mall.
• CPost International na Punda, Otrobanda i Groot Kwartier for di 7.30 or – 17.00 or sin stòp di djaluna te ku djaweps, djabièrnè di 7.30 or – 16.30 or i djasabra di 8.00 or – 11:30 or.

Personanan ku ta doño di un vehíkulo mester tin un number di CRIB. Pa tantu empresanan komo tur residente 18+ a traha un number di CRIB den e sistema di MRB. Si bo no ta residente i no tin un number di CRIB ainda, bo por hasi e petishon via e formulario. Bo ta risibí bo number di CRIB denter di algun dia.

Pa transporte públiko ku akomodashon pa mas ku 15 persona tarifanan “A” – “B” i “G” ta aplikabel