Portal Digital Servisio di Impuesto
Departamentu di IT di Servisio di Impuesto ta responsabel pa akseso na e portal digital i gustosamente ta asistí bo ku preguntanan tékniko i pregunta tokante akseso na e portal. Aki bou por mira kua ta e servisionan ku IT ta brinda.
- Kódigo sekreto
Ta posibel pa bo mes kambia bo kódigo sekreto i bo e-mail den e portal. Si durante e proseso di kambio bo tin mester di asistensia, por tuma kontakto ku nos libremente. - Two-factor authentication (2FA)
Si bo no tin akseso mas na bo kuenta den e portal dor di 2FA, nos por rekuperá esaki. Esaki ta duna bo e posibilidat di reset e 2FA. - Deblokiá
Si bo kuenta a keda blòkiá pasó bo a purba diferente biaha pa drenta bo kuenta, por rekuperá esaki. - Kuenta di apoderado
Si bo ke haña akseso na e portal komo apoderado, por regla esaki. - Registrá apoderashon
Si bo ke hasi uso di e posibilidat pa por entregá apoderashon na masa, nos por asistí den e proseso aki.
Pa pregunta òf asistensia semper por akudí na nos Serviso na Kliente.
Bo datonan finansiero sin duda ta hopi importante pa bo por regla asuntunan di impuesto. No ta deseabel pa esaki nan kai den man di partidonan ku mal intenshon. P’esei Servisio di Impuesto a intensivá e sistema di seguridat. Dor di usa 2FA ta bira muchu mas difísil pa un persona ku no ta outorisá yega na bo informashon.
Kabes yen bo a laga bo kòmpiuter habri sin log-out, un hende ku mal intenshon a logra mira bo kódigo sekreto, òf bo a habri un mail ku ta bini di kriminalnan digital?
Esaki por pasa!
Aunke bo kódigo sekreto ta konosí e 2FA ta rekerí un paso mas i ta hasi’é mas difísil pa otronan por drenta bo kuenta sin ku abo tuma nota di esaki.
Si bo ta regla bo asuntunan di banko online, probablemente bo ta konosí ku 2FA. Bo mester hinka un kódigo sekreto (password) i un di dos kódigo ku bo a haña por èhèmpel via un QR-code òf un app promé ku bo por drenta bo kuenta.
Pa bo por drenta e portal por usa diferente app i/òf desktop software ku ta generá un Time-Based One-Time Password (TOTP)
Ehèmpel di algun 2FA app ta:
- Google Authenticator
- Microsoft Authenticator
- Lastpass authenticator
- Entrust Identity
Por usa esakinan tantu pa Android komo IOS i bo Desktop devices.
Bo promé biaha subi e portal nobo?
- Klik riba Enable Two-Factor Authentication.
- Log in manera kustumber ku bo kódigo sekreto ku bo a krea dia bo a habri bo kuenta personal.
- E ta bai na un pantaya kaminda e pidi bu konfigura e 2FA. Aki bo ta mira 5 punto ku bo tin ku sigui pa bo por scan e QR code.
- Bo ta konfirmá i yena e kódigo ku bo a risibíl
- Bo ta mira riba bo pantaya algun kódigo ku bo por warda (download esaki òf saka un portrèt/printscreen). Esaki ta pa si bo no tin akseso na e app. E dokumento aki ta keda visibel pa solamente 15 minüt.
Bo a drenta e portal digital i bo 2FA tabata eksitoso
Bo promé biaha subi e portal nobo?
Nos ta konsehá bo pa limpia bo browser, cache i cookies despues di kada momento di mantenshon di e portal digital promé ku bo habri esaki i login dinobo.
Klik aki pa wak e video di instrukshon di 2FA den hulandes òf ingles.
Klik te ariba riba nos wèpsait riba “Mi Deklarashon” òf bai https://online.belastingdienst.cw
Klik riba Enable Two-Factor Authentication.
- Log in manera kustumber ku bo bo nòmber di usuario i bo kódigo sekreto.
- Primi riba “Activeer uw 2-factor authenticatie”.
- Yena bo kódigo sekreto atrobe i primi riba “Configureer authenticatie”.
- Den Apple App Store òf Google play bo por buska un authentication app. Si bo tin un app ku TOTP standaard riba bo telefon kaba bo por usa esaki i bula e siguente dos pasonan akibou.
- Download i instalá e app riba bo telefon òf tablet.
- Sigui e instrukshonnan di e app.
- Skèn e QR di e portal ku e app. Si esaki no ta bai, primi riba “Configureer via handmatige invoer” i sigui e instrukshonnan riba bo pantaya.
- Primi riba “Bevestig de configuratie” pa por sigui.
- Yena e kódigo di 6 sifra ku ta visibel den e app. Primi riba “Print de lijst met back-up codes”.
- Bo ta mira un pantaya ku ta indiká ku e lo generá un lista ku kódigo ku por download i print via un panataya ku ta pop-up. Por usa e kódigonan aki ora bo no por usa e app. Primi riba “Activeren en afdrukken”.
- Download e dokumento i print esaki. Paga tinu: nos no ta rekomendá pa warda e dokumento aki riba bo computer.
Bo a drenta e portal digital i bo 2FA tabata eksitoso
E siguiente biaha bo mester solamente hasi dos stap: yena bo nòmber di usuario, kódigo sekreto i e kódigo di 6 sifra ku bo haña den e 2FA app.
Pa bo siguridat ta importante pa bo log out promé ku bo sera e portal!
Sigur di bèrdè bèrdè