Deklarashon devuloshon di Duana

Si na momento di importashon di produkto bo a paga dimas na derecho di importashon (invoerrechten) i OB, bo por pidi bo sèn bèk na servisio na kliente di Servisio di Impuesto. Pa esaki bo mester bini ku un ID bálido i e “Deklarashon di devolushon” original di Duana riba kua e montante dimas ta indiká. Servisio na Kliente lo saka un kopia di e dokumento i bo ID, i bo por yená e formulario pa kambia bo kuenta bankario òf si ta nesesario un apoderashon.
E departamento di Comptabiliteit ta kontrolá si tin debe habrí. Si tin debe habrí nan lo deskontá esaki. Si no tin debe, lo stòrt e sèn bek riba e kuenta bankario indiká.