Filtra dokumentonan aki
Filtra dokumentonan aki
02 Jun 2025
Suspenshon di deklarashon impuesto riba ganashi 2024 pa aña ekonómiko kibrá
E vershon definitivo di e papel di deklarashon di impuesto riba ganashi 2024 a bira disponibel ofisialmente riba 23 di mei 2025 den e portal digital di Servisio di Impuesto.
E kontribuyentenan ku un aña ekonómiko kibrá, ku no por a entregá nan deklarashon ainda, ta risibí suspenshon automatikamente te ku dos luna despues di e fecha ku esaki a bira disponibel.
Por ehèmpel: si e papel di deklarashon tabata disponibel pa 1 di aprel, e suspenshon ta konta e ku 31 di mei 2025.
Tuma nota: e suspenshon aki no ta konta pa e añanan ekonómiko ku un fecha di entregá di 30 di yüni 2025 òf despues.
19 May 2025
Anunsio en konekshon ku deklarashon den bo buzon di mensahe digital
Debí na un interupshon tékniko ku nos a konstatá, algun aanslag di impuesto riba entrada i prima sosial ku a keda determiná e aña aki no a keda publiká digital. Un parti di esaki no a keda mandá via pòst debí na e mes un interupshon aki. Entretantu e interupshon aki a keda atendé i a pone deklarashonnan konserní ku forsa retroaktivo den bo buzon di mensahe digital.
Pa e aanslag nan di impuesto riba entrada i primanan sosial ku fecha desde di 17 di yanüari 2025 te ku 5 di mei 2025, Servisio di Impuesto ta apliká prolongashon di e término di opheshon. For di e dia di aparishon den bo buzon di mensahe, riba 9 òf 10 di mei di e aña aki, bo tin dos luna pa entregá un opheshon si esaki ta nesesario.
Nos ta pidi diskulpa pa posibel inkumbiniensia i ta yama danki pa e komprenshon.
Lesa mas
15 May 2025
Anunsio Vehíkulo Motorisá 2025
Ontvanger di Kòrsou pa medio di esaki ta trese lo siguiente na bo atenshon:
Vehíkulo riba kaminda públiko: Tur vehíkulo riba kaminda públiko di Kòrsou mester tin un plachi di number original ku ta kumpli ku e eksigensianan manera poné den e Boletin Ofisial (AB) 2009 no. 4, artíkulo 1.
- Inspekshon i plachi di number: Ora di hasi e prosedura di inspekshon, e vehíkulo mester tin tur dos plachi di number. Si esaki no ta e kaso, e vehíkulo lo wòrdu rechasá. E doño di e vehíkulo mester hasi petishon na Ontvanger pa laga fabriká e plachinan di number original.
- Balides di plachi di number nobo: Tur asignashon di plachi di number nobo ta bálido pa un periodo di tres (3) siman.
- Plachi di number Z: Tur plachi di number Z ku a wòrdu otorgá temporalmente, lo kaduká dia 2 di yüni 2025.
- Pèrdida òf ladronisia di plachi di number: Tur petishon tokante plachi di number pèrdí òf hòrtá entregá te ku aprel 2025 lo wòrdu kanselá. Esaki pa motibu ku e plachinan en kuestion ta optenibel na Ontvanger.
12 May 2025
Deklarashon di impuesto riba ganashi 2024 definitivo ta disponibel pronto
Pronto e papel di deklarashon pa impuesto riba ganashi di 2024 lo keda determiná i lo hasi e vershon definitivo disponibel riba e portal digital. Nos a hasi algun ahuste konforme e kambionan mas resien den lei. E deklarashon definitivo aki 2024 no lo wòrdu adaptá mas.
Bo tin un deklarashon definitivo di impuesto riba ganashi 2024 den proseso den e portal?
Nos ta pidi pa bo kita esaki i yena un deklarashon definitivo di impuesto riba ganashi 2024 (nobo) asina esaki bira disponibel.
Lesa mas
10 Apr 2025
Ta importante pa entregá verzamelloonstaat na tempu!
Pa hasi e proseso di deklarashon di impuesto riba entrada mas efisiente i pa evitá retraso, ta obligatorio pa dunadó di trabou entregá e verzamelloonstaat (na tempu). Solamente ku entrega di e verzamelloonstaat por yena e datonan di suèldo di e empleado adelantá i asina hasi e proseso i pago di posibel restitushon mas lihé.
Bo responsabilidat komo dunadó di trabou E dunadó di trabou mester tene su mes na e fecha di entrega. Aunke bo risibí un but pasó bo a entregá e verzamelloonstaat lat, entrega di e verzamelloonstaat ta keda mandatorio.
Konsekuensia pa e empleado E empleado mester di e deklarashon di impuesto riba suèldo ku ta parsialmente yená pa e por entregá su deklarashon kompletá na tempu. Pa esaki e dunadó di trabou mester entregá e verzamelloonstaat na tempu na Servisio di Impuesto. Si esaki no sosodé na tempu, e empleado no ta risibí e deklarashon yená parsialmente i esaki lo por trese retraso i desbentaha finansiero pa e empleado. Evitá ku e empleado mester hala bo atenshon riba esaki.
Pa pregunta tokante esaki òf yudansa (tékniko), por tuma kontakto ku Servisio di Impuesto.
27 Mar 2025
Paga bo impuesto mas fásil ku Pagafasil!
Willemstad, 27 di mart 2025 - Entrante awe no ta posibel mas pa paga bo
impuesto via Pagomatiko. Por hasi bo pagonan via e servisio di pago
Pagafasil, entre otro.
Lesa mas
12 Mar 2025
Informashon importante tokante deklarashon impuesto riba ganashi 2024
E deklarashon provisorio pa impuesto riba ganashi (WB) 2024 mester keda entregá pa mas tarda riba 1 di mart 2025.
E deklarashon definitivo pa impuesto riba ganashi (WB) 2024 por keda entregá te ku 1 di desèmber 2025.
Ta importante pa indiká ku aktualmente no ta posibel pa entregá e deklarashon definitivo di WB 2024. Espektativa ta ku esaki lo ta disponibel pa aprel 2025 via e portal digital.
Lesa mas
07 Feb 2025
Enkuesta tokante motivashon di pago di empresarionan.
Riba djabièrnè 7 di febrüari Servisio di Impuesto a manda un invitashon via e-mail pa empresarionan pa nan partisipá na un enkuesta. E enkuesta aki ta forma parti di e investigashon di promoshon di sr. Wim Nijdam tokante orígen di oumentu signifikante di ingreso di impuesto i prima soshal for di 2021.
Pues, e investigashon no ta di Servisio di Impuesto. Servisio di impuesto ta solamente fasilitá e repartishon i invitashonnan, i no tin akseso na e datonan. E resultadonan di e enkuesta ta keda usá pa por haña un mihó bista di e motivashon di empresanan pa kumpli ku nan debernan fiskal.
Lesa mas