×
Ga terug

Inkeerregeling: deklará bo entradanan di hürmentu sin but promé ku 17 november 2025.

Servisio di Impuesto ta brinda hürdónan partikular na Kòrsou, pa un solo biaha, e oportunidat pa koregí nan deklarashon di impuesto riba entrada boluntariamente sin konsekuensia fiskal.

Un grupo konsiderabel di partikular riba nos isla ta hür apartamento òf kas na turista òf pa bibienda riba término largu. Ta obligatorio pa paga impuesto riba e entradanan ku ta risibí di hür i mester indiká esakinan den e deklarashon di impuesto riba entrada.

For di investigashon a resultá ku esaki den hopi kaso ta sosodé parsial òf no ta sosodé mes. Entretantu diferente hürdó a risibí navorderingsaanslag i büt relashoná ku esaki.

Pa duna e kontribuyente un chèns pa regla su asuntunan manera debe ser, a introdusí e asina yamá  inkeerregeling temporalmente. E areglo aki ta un eksepshon i ta indiká e disponibilidat di Servisio di Impuesto pa kolaborá di un manera konstruktivo.

Kiko e inkeerregeling ta enserá?
Na momento ku bo indiká bo entradanan di hür di aña 2024 kompletamente den e deklarashon di impuesto riba entrada, i hasi esaki promé ku 17 november 2025, Serivsio di Impuesto lo kita e aanslag i butnan di e añanan anterior (te ku 2023). Esaki ta nifiká ku e riesgo fiskal di pasado ta keda eliminá.

Importante: e areglo aki ta konta solamente si SBAB òf Servisio di Impuesto NO a tuma kontakto kubo ainda pa entradanan ku no a keda indiká.

Na momento ku evaluá e deklarashonnan di impuesto riba entrada 2024, Servisio di Impuesto lo ta mas estrikto riba kontrol di deklarashon di entrada di hür. Si no hasi uso di e inkeeregeling aki i despues resultá ku a skonde sierto entradanan, esaki lo por resultá den aanslag ku butnan te ku un máksimo di dies aña den pasado.

Tin pregunta òf ke bo sa mas? Tuma kontakto ku nos Servisio na Kliente.

Bèk na bista general

Artíkulonan relashoná

16 Jan 2026

Eksonerashon di impuesto riba suèldo i gastunan sosial riba suèldo di overtaim (Lei di Bion).

Empresarionan ku ke entregá e petishon pa eksonerashon di impuesto riba suèldo i gastunan sosial riba suèldo di overtaim, por hasi esaki pa mas tardá 2 di febrüari 2026. Tuma nota: pa bini na remarke pa e eksonerashon, e verzamellooonstaat 2025 mester ta entregá. Lesa mas tokante e verzamelloonstaat aki. E dunadónan di trabou ku no a apliká di Lei di Bion na 2025, mester entregá e verzamelloonstaat 2025 pa mas tardá riba 2 di febrüari 2025 segun e formato bieu. Pa dunadónan di trabou ku si a hasi uso di Lei di Bion na 2025, ainda no ta posibel pa entregá e verzamelloonstaat 2025, mirando tin retraso den e adaptashonnan. E dunadónan di trabou outomátikamente ta risibí prolongashon pa entregá e verzamelloonstaat 2026 pa mas tardá 1 di aprel 2026. Pa e dunadónan di trabou aki ta sufisiente pa yena e fail di Excel pa registrashon di overtaim. Den e fail aki por indiká e suèldo di overtaim ku a keda eksonerá. Asina e verzamelloonstaat keda adaptá, e dunadónan di trabou ta risibí informashon tokante esaki.
  • Link na formulario di eksonerashon
  • Link na fail di registrashon di overtaim i instrukshon pa registrashon di overtaim
Pa nos por prosesá bo petishon di un forma efisiente ta nesesario ku tur informashon keda entregá kompleto i korekto.
Lesa mas
12 Jan 2026

Pago di impuesto riba vehíkulo motorisá i finalisashon di vehíkulo pa aña 2026.

Ontvanger di Kòrsou ta duna di konosé ku entrante 12 di yanüari 2026 ta kuminsá ku kobransa di impuesto riba vehíkulo motorisá i finalisashon di vehíkulo pa aña 2026. Pa por paga mester trese e siguiente dokumentonan: 
  1. Karchi di kùr bálido;
  2. Komprobante di seguro bálido;
  3. Komprobante di pago di MRB 2025.
Ora paga e promé mitar di aña ta risibí e plachi di number 2026 Ora paga pa henter aña ta risibí e sticker blou I e plachi di number 2026. E plachinan di number 2026 lo keda otorgá dor di Ontvanger despues. Unda bo por paga impuesto riba vehíkulo motorisá?  Bo por paga e impuesto riba vehíkulo motorisá i e impuesto di finalisashon di vehíkulo na e siguiente lugánan:
  1. Landsontvanger na Regentesselaan Djaluna pa djabièrnè for di 08:00or pa 12:00or i di14:00or te ku 15:30or
  2. Kooperativa di Spar i di Krédito ACU, di djaluna pa djabièrnè for di 08:00 or pa15:30 or sin stòp na Jan Noorduynweg i Zuikertuin Mall.
  3. CPost International na Punda i Groot Kwartier for di 7.30 or pa 17.00 or sin stòp  di djaluna te ku djaweps, djabièrnè di 7.30 or pa 16.30 or i djasabra di 8.00 or pa 11:30 or.
Por paga pa 2026 si bo a hasi bo pago di MRB te ku desèmber 2025. Tarief 2026 half en heel jaar
Lesa mas
09 Jan 2026

Petishon Urgente pa yena e kuestionario FATF pa organisashonnan Non-Profit na Kòrsou.

Servisio di Impuesto Kòrsou ta informá tur non-profit ku ta operá riba Kòrsou ku un petishon importante.  Na 2025 Financial Action Task Force (FATF), a evaluá kumplimentu di Kòrsou ku stándart internashonal pa labamentu di plaka i finansiamentu di terorismo. For di e evaluashon aki a bini dilanti algun punto di akshon ku Kòrsou mester atendé, pa evitá ku e Pais ta ser inkluí riba e lista gris di FATF. Un di e puntonan di akshon ta e nesesidat pa haña un mihó bista riba e sektor di non-profit na Kòrsou. Pa e motibu aki, a krea un kuestionario pa determiná kua organisashon ta kai bou di e definishon di FATF. Asina por kolektá informashon importante riba e struktura, aktividat, i situashon finansiero di kada organisashon. Kiko esaki ta nifiká pa e organisashon non-profit? Kada organisashon non-profit lo risibí un karta formál i kuestionario den su buson. Servisio di Impuesto di Kòrsou ta pidi pa tur ku a risibí esaki por fabor kompletá e kuestionario di forma korekto, más tardá djaluna 12 di yanüari 2026. Esaki ta di gran importansha pa yuda Kòrsou den su kumplimentu ku su obligashon internashonal i pa sigurá ku ta kumpli ku e standart di FATF. Link di e online di e kuestionario Pa fasilitá e proseso, Servisio di Impuesto di Kòrsou a kreá un plataforma online kaminda e kuestionario por wòrdu kompletá direktamente. Por yena e informashon rekerí na ingles òf hulandes pa medio di e siguiente link: E sistema online lo hasi e proseso mas fásil i sigurá ku tur informashon ta bai di un manera seif i lihé. Deadline E kuestionario kompletu mester wòrdu entregá pa mas tardá 12 di yanüari 2026 via e plataforma online. Si un OSL no por kompleta e kuestionario elektróniko, lo por mail e dokumento kompletu na Servisio di Impuesto di Kòrsou via: info.belastingdienst@gobiernu.cw  Tur informashon lo wòrdu tratá ku konfidensial i lo wòrdu usá solamente pa e kumplimentu di standart internashonal. Boso koperashon ta esensial pa mantené e posishon di Kòrsou den e lucha global kontra labamentu di plaka i finansiamentu di terorismo. *Un non-profit ta un organisashon ku su meta no ta pa tin ganashi, pero ku ta enfoká riba e benefisio di komunidat. Esaki por inkluí fundashon, organisashon di benefisio soshal, i organisashon ku ta traha pa mehorá e bienestar di e pueblo.  Pa mas informashon si bo tin pregunta òf ke klarifikashon tokante e kuestionario òf e prosedura pa entregá, por tuma kontakto ku e servisio di impuesto di Kòrsou via e number di 'helpdesk' 461-5000.  
Lesa mas