“Aangiftebiljet A Inkomstenbelasting 2018”
(Formulario di deklarashon di entrada 2018)
E aña aki Serviso di Impuesto lo no imprimí e formulario di deklarashon di entrada di aña 2018. For di 1 yanüari 2019 tur persona mester hasi esaki “online” via online.belastingdienst.cw konforme PB 2018-52. Tur persona ku tin obligashon di yena e formulario aki lo haña un karta di invitashon pa hasi esaki dentro di 60 dia.
Tur sobra persona por yena nan formulario di deklarashon di entrada dentro di 3 aña. Pa hasi esaki mester traha un “account” via “online.belastingdienst.cw”.
Entrante 8 di aprel 2019 Servisio di Impuesto no ta asepta ningun formulario di deklarashon di entrada (aangiftebiljet) di añanan 2016, 2017 i 2018 mas na “hard copy”. Pa e añanan aki por hasi deklarashon solamente via nos sistema “online”.
Servisio di yena formulario di deklarashon di entrada
Manera ya ta un kustumber e aña aki tambe Servisio di Impuesto ta brinda e oportunidat pa yena e formulario di deklarashon di entrada (aangiftebiljet) di 2018.
For di dia 1 aprel 2019 por yama pa hasi un sita pa yena e formulario aki.
Esnan ku ta bin na remarke pa hasi uso di e servisio aki ta e pagadó di impuesto ku su entrada di trabou o penshun ta NAf. 60.000,= o ménos i Naf. 90.000,= pa un pareha kasá.
E aña aki tambe nos ta brinda e servisio aki na kas pa esnan ku pa motibu di malesa o un desabilidat físiko no por yega ofisina di Servisio di Impuesto.
Number pa hasi sita ta 734-2570 i 734-2652:
Di djaluna te ku djabièrnè mainta entre 8.00 – 11.30 i djaluna te ku djaweps mèrdia entre 14.00 – 15.30 i djabièrnè mèrdia entre 14.00 pa 15.00.
Kiko bo mester trese pa yena e formulario?
- 1. Deklarashon di penshun di behes risibí durante aña 2018
- 2. E “loonbelastingkaart”2018
- 3. E dokumentu di interes di hipotek, bo seguro di riesgo di hipotek
- 4. E dokumentu di interes di fiansa personal
- 5. E dokumentu di pago i tambe interes riba bo mes debe di estudio
- 6. E deklarashon di skol pa yunan di 16 aña pa riba ku ta studia (VSBO, HAVO, VWO, MBO, HBO, Universidat) i tur otro relevante pruebanan di pago.
- 7. Formulario di SSC (Schuldoverzicht) o DUO (ántes IBG) ku informashon tokante e “beurs” o “studielening” di e yu (Berichtenformulier DUO), pa esnan ku ta na merka e I-20 formulier i esnan ku ta na Canada e informashon tokante gastunan di estudio.
Kòrda ku sin e informashonnan ariba menshoná nos lo no por yudabo.