Ontvanger di teritorio di Kòrsou òf su respektivo representante ta tuma desishon riba e apelashon pa vensementu.
×
Preguntanan mas hasí
Gustosamente nos ta asistí bo pa komprondé i kumpli ku bo debernan fiskal.
Preguntanan mas hasí
Vensementu
Kon por apelá pa vensementu?
Por apelá pa vensementu solamente riba un petishon di e kontribuyente riba vensementu. E apelashon aki ta liber di forma, pero tòg tin preferensia pa e ta por eskrito. Si un petishon verbal wòrdu hasí pa vensementu, e kobradó mester realisá ku un petishon por eskrito mester wòrdu entregá tòg
Antwoord zien
Ken ta disidí riba un apelashon di vensementu?
Antwoord zien
Por paga un debe ku a vense ainda?
Sí, pasobra un debe no ta wòrdu eliminá pa motibu di vensementu. Si un hende paga un debe ku a vense, e no por rekuperá e sèn ei bèk despues ku un akshon di pago no debí.
Antwoord zien
Kon por prevení vensementu?
Por impedí término di vensementu dor di:
- Impliká un akta di persekushon;
- Rekonosementu di debe dor di e kontribuyente (dor di palabra òf echonan);
- Entrega di un karta di opheshon kaminda e debe kompleto ta wòrdu disputá, no tin mag di wòrdu mirá komo rekonosmentu di debe. Pago ta un forma di rekonosementu di debe; deskuento no.
Antwoord zien
Kiko ta vensementu?
Lei ta stipulá ku un kontribuyente no mester wòrdu obligá pa paga un debe despues di largu tempu, sin ku Ontvanger di e teritorio di Kòrsou a tuma akshon na tempu. P’esei legisladó a disidí ku en prinsipio un debe ta kaduká, despues di sinku aña despues di e fecha ku e aanslag a sali. Vensementu ta nifiká ku segun lei Ontvanger no tin mag di imponé e kontribuyente mas pa paga e debe. Sin embargo, e debe ta keda eksistí.
Antwoord zien
General
Kon mi ta hasi yega na un deklarashon di entrada?
Bo por pidi un deklarashon di entrada na Servisio di Impuesto dor di manda un meil na: inkomensverklaring@gobiernu.cw.
Gustosamente nos ke risibí e siguiente informashon:
- Pa kua instansia mester di e deklarashon;
- Pa kua aña; Voor welk jaar;
- Kopia di sédula, reibeweis òf pasport;
- Adrès;
- Telefòn.
ATENSHON! Pa por hasi petishon pa un deklarashon di entrada bo mester a entregá bo deklarashon di impuesto riba entrada via di e portal ‘online’.
Antwoord zien
Kon mi ta hasi yega na un number di CRIB?
Number di CRIB ta un number di identifikashon úniko pa kontribuyentenan. E abreviashon CRIB ta para pa ‘Centraal Registratie Informatie Belastingplichtige, esta Registro Sentral di Informashon di Kontribuyente. Bo por hasi petishon pa e number aki serka nos.
Bo ta un partikular?
Manda bo petishon pa un number di CRIB na: cribbeheer@gobiernu.cw
Bo petishon mester kontené e siguiente dokumentonan:
- Un kopia di e parti dilanti i e parti patras di bo ID bálido (sédula òf pasport)
- Bo adrès
Manera bo number di CRIB ta kla, nos ta manda esaki pa bo via di e meil adrès ku ta konosí serka nos.
Bo ta un empresario?
Sosiedatnan
Manda bo petishon pa un number di CRIB na: cribbeheer@gobiernu.cw
Manda e siguiente dokumentonan huntu ku bo petishon:
- Ekstrakto di registro di Kámara di Komèrsio
- Akta notarial
- Un ID bálido (sédula òf pasport)
- Notifikashon di e kantidat di trahadó den servisio (indiká e fecha di komienso i salario bruto di kada trahadó)
- Number di telefòn i meil adrès di e kompania
Kompania unipersonal
Manda bo petishon pa un number di CRIB na: cribbeheer@gobiernu.cw
Manda e siguiente dokumentonan huntu ku bo petishon:
- Ekstrakto di registro di Kámara di Komèrsio
- Un ID bálido (sédula òf pasport)
Manera bo number di CRIB ta kla, nos ta manda esaki pa bo via di e meil adrès ku ta konosí serka nos.
Antwoord zien
Kon mi ta pidi un deklarashon di residensia (lugá di biba)?
Si bo ta deseá un deklarashon di residensia, bo por deskargá un formulario di deklarashon di residensia ‘online’ i manda e formulario yená pa nos na: inlichtingen@gobiernu.cw.
Antwoord zien
Atministrashon
Kiko tur ta pertenesé na bo atministrashon?
Tur dato tokante di bo kompania ku bo tin registrá sea riba papel òf den forma elektróniko, ta pertenesé na bo atministrashon.
Antwoord zien
Kon largu bo mester warda bo atministrashon?
Tur empresario ta obligá pa lei pa warda nan atministrashon pa dies aña.
Antwoord zien
Dikon un bon atministrashon ta importante?
‘Atministrashon’ ke men: tur dato di bo kompania ku bo ta registrá sea riba papel (anotashon tambe) òf den forma elektróniko (por ehèmpel ku kòmpiuter). Un atministrashon bon organisá i kla ta hopi importante: no solamente pa kumpli ku debernan stipulá pa lei, pero tambe pa bo maneho di kompania. Aparte di esei, komo empresario bo ta obligá pa lei tambe pa mantené un bon atministrashon ku ta kuadra ku e naturalesa di bo kompania.
Antwoord zien
Impuesto riba ganashi
Kon frekuente bo ta hasi deklarashon di impuesto riba ganashi?
En prinsipio bo ta hasi dos deklarashon pa aña, un temporal i un definitivo. Inspektor ta fasilitá bo e formularionan denter di dos luna despues ku e aña kalendario finalisá, òf si esaki ta aplikabel pa bo, ora e aña atministrativo finalisá. Si bo no risibí formulario, e ora ei bo mes mester pidi esaki. E formulario di deklarashon ta wòrdu entregá na Inspektor di Impuesto. Meskos ku ta e kaso ora di deklarashon di impuesto riba salario, si ta paga Ontvanger, e formularionan di deklarashon añadí ta wòrdu mandá pa Inspektor.
Antwoord zien
Na ki momento i kon bo ta paga e kalkulashon di aanslag di impuesto?
Mester paga e aanslag denter di un luna despues di e fecha ku el a sali. Bo por hasi pago via di bankonan, online banking of via di Pagomatiko.
Antwoord zien
Ki ora bo ta risibí un aanslag pa impuesto riba ganashi?
Bo ta risibí un aanslag di impuesto riba ganashi:
- si bo no a entregá bo deklarashon na tempu;
- ora ku bo a paga ménos ku e montante indiká riba bo último deklarashon definitivo;
- si bo no a paga òf a paga bo deklarashon temporal òf definitivo lat;
- si ta parse ku bo a paga un montante mas abou ku ta indiká riba bo deklarashon temporal òf definitivo.
Antwoord zien
COVID-19 Papiamentu
Kon ta atendé ku e periodo pa entregá “bezwaarschrift”?
Entrega di “Bezwaarschrift” na Inspekshon di Impuesto
Normalmente e persona mester entregá su “bezwaarschrift” denter di 2 luna despues di e fecha. Pa “aanslag” ku fecha entre 1 yanüari te ku 30 jüni 2020, e periodo pa entregá “bezwaar” ta bira 4 luna. E periodo pa entregá “bezwaar” ta keda ekstendé ku 2 luna.
Petishon pa suspenshon di pago relashoná ku “Bezwaarschrift” na Ontvanger
Ontvanger ta òutorisá pa otorgá suspenshon basá riba petishon di e kliente. En prinsipio e petishon ta lòs for di periodo di entregá “bezwaar”. Basta e kliente por demostrá na momento di hasi petishon pa suspenshon di pago, ku e “bezwaar” ta entregá (añadí kopia di petishon di bezwaar), Ontvanger lo prosesá e petishon.
Ontvanger por otorgá suspenshon relashoná ku “bezwaar” te ku e fecha di e desishon di Inspektor.
Antwoord zien
Ta introdusí un fasilidat pa empresarionan haña suspenshon di pago di impuesto i/òf primanan pa evitá ku nan por bai bankarota?
Den kaso ku por demostrá ku pa motibu di Coronavírùs COVID-19 e kompania e keda afektá negativamente, por fabor tuma kontakto ku Servisio di Impuesto. E komunikado Servisio adaptá di Servisio di Impuesto relashoná ku COVID-19 ta informá kon pa tuma kontakto ku e diferente departamentonan di Servisio di Impuesto.
Antwoord zien
Ta duna suspenshon di pago dor di efekto di Coronavírùs COVID-19?
Den kaso ku por demostrá ku pa motibu di Coronavírùs COVID-19 a keda afekta negativamente, por fabor tuma kontakto ku Servisio di Impuesto. E komunikado Servisio adaptá di Servisio di Impuesto relashoná ku COVID-19 ta informá kon pa tuma kontakto ku diferente departamento di Servisio di Impuesto.
Antwoord zien
Ta duna suspenshon di pago pa e impuesto ku lo mester paga riba e “voorlopige aanslag Winstbelasting” 2019 te ku 31 desèmber 2020, of mas largu si e situashon bira mas malu?
No, lo no duna suspenshon. Ta mantené 31 di mart 2020 komo e fecha ultimo pa hasi e pago.
Antwoord zien
Kon ta atendé ku e periodo pa entregá deklarashon di “Inkomstenbelasting” 2019?
Pronto lo repartí e invitashon pa hasi “aangifte Inkomstenbelasting” 2019. E último fecha pa entregá “inkomstenbelasting” 2019 ta keda ekstendé i ta bira 1 di ougùstùs 2020.
Antwoord zien
Kon ta trata ku petishon kaminda e kliente ta indiká un ganashi mas abou riba e “voorlopige aangifte Winstbelasting” 2019?
Petishon kaminda ta indiká un ganashi mas abou riba e “voorlopige aangifte Winstbelasting” 2019, mester keda entregá via email winstbelasting@gobiernu.cw.
E kliente ta haña un konfirmashon ku a risibí su petishon. E petishon ta keda evaluá segun e prosedura normal i e kliente lo risibí e desishon di Inspektor via post of email. E Inspektor tin un término di 15 dia di trabou pa duna kontesta.
Antwoord zien
Kon ta atendé ku e periodo pa entregá “voorlopige aangifte Winstbelasting” 2019?
E periodo pa entregá “voorlopige aangifte Winstbelasting 2019” no ta keda ekstendé. E último fecha pa entregá ta keda 31 di mart 2020.
Antwoord zien
Ta prosesá petishon pa “online portalen”?
Sí, Servisio di Impuesto ta atendé tur petishon. Tene kuenta ku medidanan rondó di COVID-19 tambe ta konta pa empleadonan di Inspekshon di Impuesto. Esaki ta nifiká ku e okupashon diario a bira menos i pa e motibu ei un petishon por dura mas largu pa prosesá.
Antwoord zien
Servisio di Impuesto ta keda habrí i/òf aksesibel? Si ta asina, di kua manera?
Tur nos lokètnan ta será. Por fabor hasi uso mas tantu posibel di e opshon digital. Tuma kontakto ku e departamentu konserní di Servisio di Impuesto pa pregunta, entregá i/òf buska dokumento. Pa mas informashon bishitá e wèpsait di Servisio di Impuesto: www.belastingdienst.cw
Antwoord zien
Impuesto riba benta
Kiko ta e Areglo di Empresanan chikí (Regeling Kleine Onderneming – RKO)?
A introdusí un areglo spesial pa empresarionan chikí: e areglo di empresarionan chikí (RKO). Si bo ta manehá bo kompania den forma di un kompania unipersonal, esta eenmanszaak, i bo ta yega na un benta mas abou ku Naf 30.000 (florin) pa aña, bo ta bini na remarke pa un eksonerashon. E eksonerashon aki ta enserá ku bo mester kalkulá impuesto riba benta pa bo produktonan i servisionan, pero ku bo no mester entregá esaki na Ontvanger.
Deskargá e formulario di petishon pa aplikashon di areglo di RKO
Bo mester entregá e formulario yená via di e meil adrès: omzetbelasting@gobiernu.cw.
Antwoord zien
Kiko un empresario por hasi si e no ta di akuerdo ku un aanslag imponé?
Si un empresario no ta di akuerdo ku un aanslag ku Inspektor a imponé òf ku un disposishon ku por oponé, e por entregá un opheshon denter di 2 luna despues di e fecha ku e aanslag òf disposishon a sali. E karta di opheshon mester wòrdu entregá na Inspektor i mester wòrdu motivá.
Banda di esaki no tin niun eksigensia (di forma) pa e karta di opheshon. Por entregá un karta di opheshon sin motivashon (pro forma òf ku derechonan preservá), pero e motivashon mester wòrdu entregá ku urgensia despues.
Inspektor mester dikta veredikto nuebe luna despues di a risibí e karta di opheshon.
Deskargá e formulario di karta di opheshon di impuesto riba benta
Antwoord zien
Kiko ta pasa si e empresario ta lat pa entregá òf paga su deklarashon di OB?
Si un empresario no a paga tur òf parti di e impuesto ku mester a ser pagá riba e deklarashon, por kobra e impuesto no pagá òf di ménos pagá den forma di un aanslag (Run 2). Tambe por imponé un aanslag, den kaso ku no hasi deklarashon (Run 1). Den e kasonan aki, Inspektor ta determiná e aanslag den su kalidat komo Inspektor.
Multa pa inkumplimentu
Por imponé un multa tambe pareu ku e aanslag. Pa impuesto riba benta por imponé un multa pa inkumplimentu, pa motibu di keda sin hasi deklarashon, pa motibu di keda sin hasi deklarashon kompletu òf pa motibu di pagamentu lat di e impuesto indiká.
Pa imponé impuesto di inkumplimentu ta tene kuenta ku e kantidat di inkumplimentu. Inkumplimentu ta e kantidat di biaha ku no a kumpli ku e obligashonnan legal. Ora di determiná un inkumplimentu no ta hasi distinshon entre di inkumplimentu pa motibu di deklarashon òf pa motibu di pagamentu.
Antwoord zien
Kon mester hasi deklarashon di e impuesto riba benta?
Komo empresario bo mester hasi deklarashon di impuesto riba benta tur luna. Hasta ora ku bo no realisá benta (deklarashon ta nulo) òf ku bo ta ehersé solamente prestashonnan eksonerá!
Bo mester entregá e deklarashon via di e portal online. Sigui lesa https://online.belastingdienst.cw/BCUR/PTLOnline/Startpagina
Ta debe e impuesto riba un luna kalendario (periodo), i mester kumpli ku esaki promé ku e di diesseis di e luna.
Antwoord zien
Kua ta e tarifanan bálido pa impuesto riba benta?
E tarifa general di impuesto riba benta ta 6%. Pa asuntunan di seguro i hürmentu di propiedatnan inmovibel den kuadro di vakashon (ofresementu di akomodashon) na personanan ku ta keda pa solamente un periodo kòrtiku (máksimo 90 dia) e tarifa ta 7%. Tambe tin un tarifa haltu di 9%.
Bista amplio di impuesto riba benta entrante di 1 di mei 2013
Antwoord zien
Kua empresario por hasi uso di e derecho di dedukshon?
Empresarionan ku ta importá produktonan komersial por hasi uso di e derechi di dedukshon. Bou di produktonan komersial ta kai: Produktonan ku ta destiná pa benta. E empresario por dedusí 50% di e impuesto riba benta ku e ta paga ora di importashon for di e impuesto lokal ku e mester paga. Pa por hasi uso di e derechi di dedukshon aki, mester hasi un petishon pa un disposishon serka Inspektor di Impuesto via di e meil omzetbelasting@gobiernu.cw.
Antwoord zien
Kiko ta impuesto riba benta?
Impuesto riba benta (abreviá komo OB) ta un impuesto indirekto. Esaki ta nifiká ku Servisio di Impuesto no ta kobra e konsumidó e impuesto, sinó e empresario. Pues, e konsumidó ta paga e impuesto riba benta na e empresario i seguidamente e empresario ta paga esaki via di deklarashon na Servisio di Impuesto. Pa Servisio di Impuesto no ta importá den kua forma legal bo ta manehá bo negoshi. Pues, no ta importá si ta trata di un kompania unipersonal (eenmanszaak), un sosiedat, un Sosiedat Kolektivo (V.O.F.), un Sosiedat Komanditario (C.V.), un Sosiedat Privá (B.V.) òf un Sosiedat Anónimo (N.V.). Un fundashon òf un asosiashon tambe por wòrdu konsiderá komo empresarario pa impuesto riba benta.
Antwoord zien
Impuesto riba entrada
Unda mi mester ta, pa drenta den un areglo di pago?
Pa drenta den un areglo di pago bo por tuma kontakto ku nos (Landsontvanger) via di 734-2224 i via di meil: invorderingteam@gobiernu.cw. Tambe bo por bishitá nos ofisina situá na WTC Kòrsou, Piscaderweg s/n di djaluna te ku djabièrnè di 07:45 te 13:30.
Antwoord zien
Te ku ki aña por hasi deklarashon si ta spera restitushon?
Si bo ta spera di risibí restitushon ta posibel pa bo hasi deklarashon te ku 36 luna despues ku e aña fiskal spesífiko ei finalisá. Despues di e 36 lunanan ei bo derechi riba restitushon ta kaduká.
Antwoord zien
Kon mi por ahustá e meil adrès ku ta konektá na e portal ‘online’?
Aktualmente no ta posibel pa bo mes kambia e meil adrès via di nos portal ‘online’. Si bo ke kambia bo meil adrès bo por tuma kontakto ku nos helpdesk via di: helpdeskbelastingdienst@minfin.cw.
Antwoord zien
Kua entradanan ta kai bou di prevenshon di dòbel impuesto?
Si bo ta risibí entradanan for di otro pais, por ta trada di dòbel impuesto. E paisnan ta palabrá kua pais ta kobra impuesto riba sierto entradanan. Nan ta fiha esaki den un tratado di impuesto. P’esei bo no ta paga dòbel impuesto. Si bo tin mas pregunta tokante di esaki, tuma kontakto ku nos via di: 734-2522 òf manda un meil na: inkomstenbelasting@gobiernu.cw.
Antwoord zien
Kon ta kalkulá e areglo di penshonado?
Si abo i/òf bo kasá ke hasi uso di e areglo di penshonado bo mester indiká esaki den bo deklarashon. Dependé di e areglo ku ta aplikabel pa bo, bo ta indiká si ta e tarifa di 5% òf esun di 10% ta aplikabel pa bo.
Pa mas informashon: https://belastingdienst.cw/particulier/themas/penshonadoregeling/
Antwoord zien
Kiko ta e státus di e karta di opheshon ku mi a entregá?
Bo no por pidi e státus di e karta di opheshon ku bo a entregá ‘online’. Pa mas informashon di e státus di bo karta di opheshon bo por tuma kontakto ku nos via di: 734-2522 òf meil: inkomstenbelasting@gobiernu.cw.
Antwoord zien
A imponé mi aanslag kaba?
Inspektor ta imponé un aanslag a base di e deklarashon di impuesto ku bo mes a entregá. Ora ku bo a entregá bo deklarashon, pero bo no a risibí aanslag ainda, bo por tuma kontakto ku nos helpdesk i/òf un regladó di aanslag telefónikamente via: 734-2522 òf via di e meil: helpdeskbelastingdienst@minfin.cw.
Antwoord zien
Kiko ta pasa si mi no entregá mi deklarashon di impuesto riba entrada? Òf si mi entregá esaki lat?
Si bo no entregá bo deklarashon di impuesto denter di (eventual ku ekstenshon) e término stipulá, Inspektor ta manda bo un karta di kobransa pa paga e deklarashon ainda. Dependé di bo situashon inspektor por imponé un multa di máksimo ANG 2.500 (florin). Si bo no entregá deklarashon, inspektor por stipulá bo aanslag segun su propio kriterio a base di e informashon disponibel.
Antwoord zien
Kon por hasi petishon pa suspenshon di entrega di deklarashon?
Ta posibel pa hasi petishon pa suspenshon pa entrega di deklarashon di impuesto. Petishonnan pa suspenshon por wòrdu entregá via di e formulario ‘online’: https://belastingdienst.cw/uitstel-aangifte/
Atenshon: bo mester entregá e petishon pa suspenshon promé ku e último fecha di entrega. Despues di e fecha di entregá no ta duna suspenshon!
Antwoord zien
Opheshon
Bo por bai den opheshon si inspektor no dikta veredikto riba e karta di opheshon?
Si Inspektor no dikta veredikto denter di nuebe luna ku el a risibí e karta di opheshon, bo por bai den opheshon kontra di no dikta veredikto na tempu. Bo por bai den opheshon denter di dos luna, for di e momento despues ku e nuebe lunanan a pasa. Hues por hasi petishon na Inspektor pa dikta veredikto tòg.
Antwoord zien
Na ki momento bo por bai den opheshon?
Tambe ta posibel pa bai den opheshon si no dikta veredikto òf no dikta veredikto na tempu. Bo por bai den opheshon denter di dos luna, for di momento despues ku e nuebe lunanan a pasa, despues ku e Inspektor a risibí e karta di opheshon. E posibilidat pa bai den opheshon kontra di no dikta veredikto òf no dikta veredikto na tempu a wòrdu introdusí pa evitá tardansa den kanselashon i pa duna bo posibilidat pa haña bo derecho denter di un término rasonabel.
Antwoord zien
Denter di kua periodo inspektor mester dikta veredikto riba e karta di opheshon? Wak kontesta
Inspektor ta dikta veredikto denter di nuebe luna ku e risibí e karta di opheshon. E veredikto ta determiná si ta rechasá òf nò si e veredikto ta na tempu. Un veredikto ta konsiderá no na tempu si e inspektor no a dikta esaki denter di nuebe luna despues di a risibí e karta di opheshon. Si e inspektor no a kumpli òf no a kumpli ku e veredikto na tempu, e mester motivá e veredikto.
Antwoord zien
Kiko ta pasa si e aanslag ku bo debe no wòrdu pagá na tempu?
E ora ei ontvanger ta manda bo un karta di kobransa. Si bo no reakshoná riba e karta di kobransa, lo tuma medidanan pa forsá bo paga, ku ta trese gastunan pa bo. Si e aanslag ta mas haltu ku ANG 500,- (florin), e ora ei bo mester paga interes.
Antwoord zien
Ki ora bo por bai den opheshon?
Si bo no ta di akuerdo ku e aanslag di impuesto imponé òf e disposishon (tokante di multa), bo por entregá un karta di opheshon motivá na Inspektor, denter di dos luna despues di e fecha ku e aanslag òf disposishon a sali.
Si bo a entregá un opheshon pro forma denter di e periodo menshoná, bo mester entregá un karta di opheshon motivá denter di un término rasonabel. Inspektor ta obligá pa manda konfirmashon di a risibí e karta di opheshon den relativamente korto tempu, pa bo por sa bo derechonan ku sertesa. E fecha di risibimentu ta importante pa e interesado pa por determiná riba kua fecha inspektor mester dikta veredikto.
Antwoord zien